E plotësuar: Kosova dhe Serbia kanë arritur pajtueshmëri parimore për zbatimin e Marrëveshjes së 19 prillit.
Kryeministrat Hashim Thaçi dhe Ivica Dacic kanë përmbyllur të mërkurën në Bruksel bisedimet e nisura një ditë më parë, me qëllim të arritjes së dakordimit pë planin e zbatimit.
“Sapo përmbyllëm takimin. Kemi arritur pajtueshëmri parimore sa i përket planit të implementimit. Ka mbetur që kjo pajtueshmëri të verifikohet në kuadër të Qeverive të Kosovës dhe të Serbisë. Në pajtueshmërinë parimore janë të përcaktuara periudhat kohore dhe aktorët implementues në gjashtëmujorin e ardhshëm”, ka thënë kryeministri Thaçi.
Sipas tij, kjo marrëveshje e implementimit është në pajtim të plotë me marrëveshjen për normalizim të marrëdhënieve, të arritur muajin e kaluar po nga kryeministrat e dy vendeve.
"Ky është një angazhim kreativ i dy vendeve, por fjalët kryesore i kanë Qeveritë e Kosovës dhe të Serbisë. Në ditët e ardhshme do të takohen ekipet profesionale”, ka thënë Thaçi./Telegrafi/
—————————————–
Rinisin bisedimet
Shefja e politikës së jashtme të Bashkimit Evropian, Catherine Ashton, ka rinisur bisedimet me kryeministrat e Kosovës dhe të Serbisë, Hashim Thaçi dhe Ivica Dacic.
Temë e tyre është plani i zbatimit të marrëveshjes për normalizimin e marrëdhënieve Kosovë-Serbi.
Ky raund i takimeve vazhdon nga mbrëmja e së martës, pasi palët nuk kanë arritur pajtim për planin e zbatimit. Megjithatë, ato janë shprehur optimiste se do të dakordohen.
Një shpresë të tillë ka shfaqur edhe baronesha Ashton, e cila është ndërmjetësuese e procesit.
“Palët duhet të jenë të gatshme që përkushtimin për arritjen e marrëveshjes ta shndërrojnë në veprime konkrete në terren”, është shprehur ajo.
Kryeministri Hashim Thaçi ka thënë se “nuk ka shumë kohë për të humbur" dhe se "marrëveshja duhet të shndërrohet në realitet”. Ai ka hedhur poshtë mundësinë e rinegociimit të marrëveshjes së 19 prillit.
Palët janë të vetëdijshme se pa miratimin e një plani për zbatim do të jetë e vështirë për t’i dhënë Serbisë datën për nisjen e negociatave për anëtarësim në BE, ndërsa Kosovës mundësinë e negociatave për Marrëveshjen e Stabilizim-Asoccimit. /Telegrafi/
—————————————————–
Gentilini ndërmjet Thaçit e Dacicit
Edhe pse ishte paralajmëruar vazhdimi i bisedimeve në orën 17, takimi Thaçi-Dacic ka vazhduar sot në orën 14 pa shefen e diplomacisë evropiane, Catherine Ashton.
Në bisedime, në vend të saj po merr pjesë drejtoi për Ballkanin Perëndimor, Fernando Gentilini, njoftojnë medie nga Brukseli.
Siç transmeton “Koha”, kryeministri Thaçi pas takimit të paradites ka thënë se “jemi në rrugë të mirë drejt pajtimit dhe po shqyrtojmë konkluzionet e fundit të projektplanit për zbatim”.
E plotësuar: Ka filluar pauza në bisedimet Prishtinë – Beograd për zbatimin e Marrëveshjes ndërmjet Kosovës e Serbisë. Bisedimet do të duhej të vazhdonin në orën 17, pasi që Ashton të mbarojë detyrimet ndaj Këshillit të Evropës, njoftojnë medie të huaja.
Në orën 13 ka përfunduar takimi Ashton – Dacic e më pas takimi Ashton Thaçi.
Pushimi në bisedime u konfirmua pasi që Ashton duhet t’i drejtohet Këshillit të Evropës, transmeton “Koha”.
Medie serbe njoftojnë se situata (në bisedime) “është shumë e komplikuar” dhe se nuk është e sigurt në do të arrihet marrëveshje. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë