Kosova ende nuk ka ligj për partitë politike dhe arsyeja për këtë thuhet të jetë mos interesimi i partive politike, pasi me një ligj të tillë partitë politike do të detyroheshin të jenë më transparente, sidomos në çështjen e financimit.
Njohësi i kësaj fushe, Driton Selmanaj nga organizata Democracy Plus (D+), në një prononcim për Telegrafin ka thënë se është domosdoshmëri e kohës që vendi ynë ta ketë një ligj i cili normon funksionimin e partive politike në Kosovë.
Sipas tij, s’ka asnjë kuptim logjik që ky segment shoqëror edhe më tutje të rregullohet me legjislacion sekondar (rregullore,udhëzime administrative etj).
“Ky ligj do të duhej të rregullonte të gjitha çështjet që prekin funksionimin e subjekteve politike në vend, duke u nisur nga: regjistrimi, struktura, orientimet ideologjike, zgjedhjet e brendshme e deri tek kufizimet dhe sanksionet ndaj atyre subjekteve që ushtrojnë veprimtari në kundërshtim me rendin juridik dhe kushtetues në vend… Pos nevojës për miratimin e një ligji të tillë Kosova ka nevojë për iniciativa që kodifikojnë materien që ka të bëjë me zgjedhjet në vend, ku pjesë e saj padyshim do të ishte edhe ligji për subjektet politike”, tha ai për Telegrafin.
Sekretari i Partisë Demokratike të Kosovës, Basri Musmurati, në një prononcim për Telegrafin tha se është i angazhuar që për partitë politike të hartohet një ligj i veçantë.
“Jemi të angazhuar që për partitë politike të hartohet e miratohet ligj i veçantë ku do të rregulloheshin shumë çështje për organizimin, funksionimin dhe rolin e partive politike. Në këtë drejtim partitë politike do të duhej të japin qëndrimet e tyre për këtë ligj”, tha ai për Telegrafin.
Ndërsa, për mungesën e këtij ligji Musmurati tha se përgjegjësinë e mbajnë jo vetëm partitë politike, por edhe Qeveria dhe Kuvendi.
“Sigurisht se një ligj i tillë jo vetëm se do t’i detyronte partitë politike të kenë një transparencë të plotë dhe një zhvillim të demokracisë edhe përbrenda subjektit politik, por do të ndikonte edhe në përgjegjësitë më të mëdha të deputetëve në Kuvendin e Kosovës”, tha ai.
Në një prononcim për Telegrafin, edhe deputetja nga partia opozitare “Nisma për Kosovën”, Valdete Bajrami, ka thënë se ligji për partitë politike do ta rrisë transparencën dhe llogaridhënien e partive politike
“Do të rregulloheshin shumë gjëra, por sidomos çështja e financimit të partive dhe bërja transparente e tyre. Gjithashtu partitë do të ishin të detyruara që t’i respektojnë rregullat e tyre statutore dhe të rregulloreve. Deri më tani ato p.sh as statutet e tyre nuk i kanë respektuar”.
Ajo tha se në parim e përkrahin Ligjin për partitë politike. “Konsideroj që së pari duhet të shkojmë në zgjedhje të parakohshme dhe pastaj legjislatura e ardhshme të punojë në nxjerrjen e Ligjit për partitë politike”, tha ajo.
Deputetja Bajrami tha se arsyeja pse nuk ka Ligj për partitë qëndron te fakti i mos interesimit të partive të mëdha për të miratuar një ligj të tillë. “…Një ligj i tillë do t’i detyronte ato të jenë më të përgjegjshme”, tha ajo.
Ndryshe, Telegrafi ka kontaktuar disa herë me Aleancën për Ardhmërinë e Kosovës dhe Lidhjen Demokratike të Kosovës, por nuk kanë dhënë përgjigje, ndërkaq zëdhënësi i Lëvizjes Vetëvendosje, Frashër Krasniqi i ka thënë Telegrafit se nuk kanë përgjigje për këtë çështje. /Telegrafi/
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Prokuroria jep detaje për plagosjen e katër personave në Lupç të Podujevës
Njëri nga katër të plagosurit në Lupç të Podujevës është në rrezik për jetë
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Ndalohen për 48 orë pesë të dyshuar për rastin e plagosjes në Lupç
Mjeti lundrues pësoi defekt në det, policia shpëton 11 turistë në Vlorë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës