Pasuria publike po keqpërdoret dhe po keqmenanaxhohet, prandaj për të parandaluar këtë dukuri negative, duhet të funksionojë në tërësi dhe unik, sistemi i menaxhimit të pasurisë publike. Kështu u vlerësua në mbledhjen e Komisionit për Mbikëqyrjen e Financave Publike, ku u diskutua rreth sistemit te menaxhimit te pasurisë.
Fillimisht kryetari i komisionit Ali Sadriu, theksoi se bazuar në raportet e ZAP-it që ka shqyrtuar komisioni, pothuajse në të gjitha rastet sistemi i pasurisë nuk ka qenë në rregull, andaj sipas tij është momenti i duhur që të ndërmerret diçka në këtë drejtim dhe të ketë vetëm një sistem të tillë.
“Është koha e fundit që ne ta kemi një sistem të avancuar dhe unik dhe është koha e fundit që ne shkojmë me kësi dualizmi. Për mua nuk ka raport financiar nëse ai raport nuk e ka të trajtuar E-sistemin. Pasuria sot është në pikë shënjestër e elementeve korruptive. E kemi parë nëpër komuna edhe nëpër subjekte të ndryshme, por edhe dikastere të ndryshme”, ka thënë ai.
Rreth kësaj çështje foli edhe zëvendësauditori i përgjithshëm, Artan Venhari, i cili vlerësoi se ZAP mund të ofrojë përkrahje që të tejkalohen këto probleme dhe të ketë një sistem unik i ri.
“Ne si zyrë kërkojmë që mos të ketë dyfishim, apo trefishim të informatave hyrëse që sistemi të komunikon dhe të jetë një sistem i përbashkët ku do t’mund të jetë të gjitha pasuritë, nga i cili mund të nxirren raportet përfundimtare nga ministria. Kjo është vetëm një kërkesë që ne kemi që të gjendet një gjuhë e përbashkët që ne të kemi një sistem që komunikon”, ka thënë ai.
Ndërkaq, ministri i Administratës Publike, Mahir Yagcilar tha mes tjerash se sistemi i pasurisë është shtrirë në të gjitha institucionet e Republikës së Kosovës dhe se përjashtim bëjnë institucionet të cilat akoma nuk kanë resurse të mjaftueshme.
Ai tha se sistemi ofron menaxhimin e pasurive kapitale dhe atyre jokapitale dhe se në sistem kanë qasje auditor të brendshëm të institucioneve e ata të jashtëm.
“Ministria e Administratës Publike, me qëllim të menaxhimit të efektshëm të pasurisë të institucioneve ka krijuar sistemin e pasurisë dhe me këtë synon të krijon sistemin e menaxhimit të pasurisë. Sistemi i menaxhimit të pasurisë mundëson mirëmbajtjen e saktë të të dhënave mbi pasurinë e institucioneve të Republikës së Kosovës”, ka thënë ai.
Duke përmendur pengesat dhe vështirësitë të cilat janë cekur në raportet e auditorit ai u pajtua se ka mungesë të stafit të mjaftueshëm në institucione, zyrtarë të pasurisë, së logjistikës dhe depove.
Pas këtij diskutimi, anëtarja e komisionit Valbona Dibra, propozoi që të kërkohet nga ZAP-i raport me shkrim lidhur me siç tha ajo, keq-menaxhimin e stafit që po bëhet nga ZAP-i.
“Është një raport që po e kërkoj me shkrim nga Zyra e Auditorit Gjeneral për keq menaxhim të stafit. Duke u nis nga ajo që përmes mediave jemi njoftuar që ekziston një sindikatë në zyrën e auditorit dhe se sindikata është revoltuar dhe i ka dërguar një letër Zyrës së Auditorit Gjeneral. Në kuadër të këtij keqmenaxhimi të stafit ne si komision është e udhës të kërkojmë një raport me shkrim, se ku është problemi, pakënaqësia e stafit dhe si i adresohet auditorit gjeneral këtyre problemeve të stafit”, ka thënë ajo.
Kërkesa e saj zgjoi debat tek anëtarët e komisionit, e sidomos tek kryetari Sadria, i cili nuk pranoi që të diskutohet në këtë takim, duke insistuar që të kërkohet interpretim nga zyra ligjore e Kuvendit të Republikës së Kosovës për këtë çështje.
Debat i ashpër u zhvillua edhe në mes të Ramiz Lladrovcit dhe kryetarit të komisionit, Ali Sadriajt.
“Je i obliguar zoti kryetar me qitë në votim një kërkesë, apo propozim të një deputeti. Tregoma ligjin ku shkruan që e ndalon dhe mos më fol përmendësh. Tregona saktësisht me ligj ku nuk kemi të drejtë të kërkojmë një raport të punës së Zyrës së Auditorit. Ne kemi drejt dhe qite në votim e mos të shtyhemi në llafe”, ka thënë ai.
Mirëpo, pas një diskutimi të gjerë lidhur me këtë çështje, ata u dakorduan që kjo çështje të diskutohet në mbledhjen e radhës.
Mosprezenca e zëvendësministrit të Financave, Ramadan Avdiu, në mbledhjen e komisionit për të diskutuar lidhur me çështjen e sistemit të menaxhimit të pasurisë, u kritikua nga kryetari i komisionit.
Gjatë këtij takimi unanimisht u theksua se duhet të ketë një sistem me të avancuar dhe unik.
Me këtë rast, Komisioni rekomandoi që Ministria e Administratës Publike, Thesari dhe ZAP-i të formojnë një ekip të përbashkët në mënyrë që të trajtojnë këtë çështje dhe në një afat prej një muaji në komision të sillet një raport dhe të prezantohet, në mënyrë që fundi i vitit të gjitha organizatat buxhetore t”i gjejë me një sistem unik. U theksua se duhet të ngrihet niveli i kontrollit tek secila organizatë buxhetore. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Intervistë me Dr. Nikolla Hristov, kirurg kardiovaskular në Klinikën Zhan Mitrev
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë
IKShPK: Regjistrohen 8 raste të Kollës së mirë në Kosovë, prindërit t’i vaksinojnë fëmijët
Lajçak me post të ri nga shtatori
Bajrami i reagon Muratit pasi tha se ka rritje të qarkullimit të biznesve, e fton për përballje
Pse Mali i Zi votoi kundër Kosovës në KiE, flet Dritan Abazoviq
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë
Aksident tragjik në Kërçovë, humbin jetën tre persona
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia