Pensionistëve të Kosovës u janë shuar shpresat për të bërë ankesë në Gjykatën për të Drejtat e Njeriut në Strasburg, në mënyrë që të detyrohet Serbia t’ua kthejë pensionet. Para ca kohësh Gjykata e Strasburgut kishe vendosur në të mirë të tre pensionistëve duke e detyruar Serbinë që t’ua paguajë atyre gjithë kontributin, madje ishte detyruar që t’u paguajë edhe dëmshpërblim shpirtëror për shkak të vonimit të pensionove.
Ky vendim i gjykatës pati shtyrë shoqatën e pensionistëve të Kosovës që të marrë vendim për lëshimin e aplikacioneve nëpërmjet të cilëve pensionistët e Kosovës do ta paditnin Serbinë për moskthimin e pensioneve.
Pensionistët kanë qenë të obliguar që për çdo aplikacion të paguajnë nga dy euro si lloj anëtarësimi në këtë shoqatë. Vetëm në Sindikatën e pensionistëve të Prishtinës, për një javë kanë aplikuar mbi 1 500 persona. Mirëpo, i gjithë ky mund u ka shkuar huq pensionistëve, shkruan Tribuna.
Një vendim i nxjerrë nga qeveria e Serbisë më 22 shkurt, parasheh që secili pensionist t’i plotësojë kërkesat dhe dokumentacionin jo nga organet e Qeverisë së Kosovës, por nga organet e Serbisë. Ky vendim ka shtyrë Sindikatën e pensionistëve të Kosovës që mos të lëshojë asnjë aplikacion për ta paditur Serbinë në Gjykatën e Strasburgut, për shkak të ndryshimit të dokumentacionit.
Përfaqësues të kësaj sindikate kanë vlerësuar se kushti i vënë nga qeveria serbe, është i papërballueshëm për pensionistët e Kosovës. Sipas tyre, me këto procedura as 2 për qind e pensionistëve nuk mund ta realozojnë të drejtën për kthimin e pensioneve.
Riza Shala, kryetar i Sindikatës së pensionistëve të Prishtinës dhe përfaqësues i Sindikatës së pensionistëve të Kosovës, ka thënë për gazetën se vendimi i Gjykatës së Strasburgut i cili e detyroi Serbinë që t’ia kthejë pensionet tre qytetarëve të cilët e kishin paditur atë, ka shtyrë këtë sindikatë që të kërkojë kompletimin e dokumentacionit nga pensionistët, në mënyrë individuale dhe nëpërmjet avokatit t’u drejtohen kësaj gjykate që ta detyrojë Serbinë t’ua kthejë pensionet.
Mirëpo, sipas tij, pranimi i aplikacionit është ndërprerë pas vendimit të fundit të qeverisë serbe për ndryshimin e dokumenteve për aplikim. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Karnavali Golden Eagle bashkon artistët më të mirë shqiptarë
Biznesi po merr teposhtën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë