Në përpjekje për të sqaruar rrethanat e plaçkitjes së madhe kibernetike, që peshon 45 milionë dollarë, Prokuroria publike amerikane ka publikuar disa detaje plaçkitjes dhe fotografi të gjahut të hajnave kibernietikë. Për vetëm 10 orë hakerat kanë kryer 40.500 transaksione në 27 shtete dhe në këtë mënyrë kanë përvetësuar një grumbull parash, orë të shtrenjta madje edhe një veturë luksoze
Në mesin e gjësendeve të plaçkitura nga shtatë meshkujt, të cilët u arrestuan të enjten në SHBA, kishte edhe çanta “Gucci”, si dhe dhjetëra kartela bankare të rreme.
Ndërkohë prokuroria publike gjermane ka njoftuar se lidhur me këtë rast janë arrestuar dy persona, një mashkull (35 vjeç) dhe një grua (56 vjeçe), të dy shtetas të Holandës, të cilët më 19 shkurt janë zënë duke tërhequr 170 mijë euro në Dyseldorf përmes kartelave kreditore të bankës omaneze Bank of Muskat, derisa në shtatë qytete gjermane kishin tërhequr gjithsej 2.4 milionë dollarë.
Të arrestuarit Elvios Rafeal Rodrigez dhe Emir Jaser Jeja
Prokuroria publike amerikane të enjten ka njoftuar se grupi kriminal ndërkombëtar ka vjedhur 45 milionë dollarë në dy banka të lindjes së afërt, duke kryer një sulm hakerësh në kompanitë për përpunimin e kartelave kreditore dhe ka tërhequr para të gatshme nga bankomatet në 27 shtete, duke u shërbyer me kartela të rreme debiti.
Hajnat dhe gjahu i tyre. Fotografi a e bërë nga telefoni celular i njërit nga hajnat e arrestuar
Besohet se udhëheqësit e këtij operacioni gjenden jashtë SHBA-së, kurse organet hetuese refuzojnë të tregojnë detajet, në mënyrë që të mos dëmtohen hetimet.
Lokacionet në New York nga të cilat janë tërhequr paratë dhe fotografitë e të dyshuarve në aksion
Ministria amerikane e drejtësisë të enjten ka akuzuar 10 meshkuj për tërheqjen e 2.4 milionë dollarëve nga 3 000 bankomate në New York në një afat prej 10 orësh, me ç’rast thuhet se shtatë të dyshuar janë arrestuar dhe se bëhet fjalë për njujorkasit Hael Meji Koaldu, Joao Min Lus Lari, Evan Hose Penj, Hose Famili Rejes, Elvis Rafael Rodrigez, Emir Jaser Jej dhe Chun Ju-Holguin.
Policia dominikane ka konfirmuar të premten se i dyshuari i tetë Alberto Lahud-Pena, për të cilin besohet se ishte udhëheqës i celulës kriminale të New Yorkut, është vrarë më 27 prill në Republikën Domenikane gjatë një përpjekje për plaçkitje. Në shtëpinë e tij janë gjetur 100 mijë dollarë para të gatshme, armë dhe municion.
Të dyshuarit tërheqin paratë, xhirim i kamerës tek bankomati
Fillimisht nuk ishte e qartë nëse grupi kriminalLahud-Pena dhe paratë e gjetura kishin lidhje me plaçkitjen kibernetike, kurse organet hetuese amerikane thonë se dy milionë të gjahut të plaçkitur akoma nuk janë gjetur.
Sipas dokumenteve gjyqësore, rrjeti kriminal Lahud-Pena përmes e-mailit ka komunikuar me organizatën kriminale ruse të specializuar për pastrim parash, por i kishte shkruar edhe shefave të tyre që po mbikëqyrnin operacionin.
"Ka dërguar vërtetime të skanuara për depozitin” dhe “Depozitet janë pastruar, urdhëresa është paguar, punë e mirë”, thuhet në dy porosi elektronike.
Për tërheqjen e parave nga bankomatet rrjeti kriminal Lahud-Pena kishte rekrutuar njerëz nga kuarti i varfër kinez Yonkers, kurse plaçkitja e bankës e cila është kryer në New York është e dyta më e madhja e të gjitha kohërave në atë qytet. /Telegrafi/
Lufta Prigozhin - Putin
Më shumëNjë zyrtar i Hamasit thotë se grupi do t'i dorëzonte armët – por gjithmonë, me një kusht
Zbulohen detaje dhe pamje të vjedhjes nga grupi kriminal serb “Pink Panther” në një argjendari në Greqi – bie në sy një detaj
Rusia nuk ka 'interes' të sulmojë shtetet e NATO-s, thotë kreu i ushtrisë së Putinit
E quan “një njeri i madh” - Trump i gatshëm të rinovojë aleancën konservatore me Orban të Hungarisë
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Dubai raporton një "sëmundje misterioze" të lidhur me përmbytjet e rënda që goditën rajonin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre