Presidenti francez, Francois Hollande deklaroi se skandali i spiunimeve amerikane që ka shpërthyer së fundmi në mediat botërore, i pagëzuar me emrin “Datagate”, vë në rrezik arritjen e një marrëveshje për tregti të lirë mes Bashkimit Europian dhe Shteteve të Bashkuara.
Bisedimet për marrëveshjen BE-SHBA, e cilësuar si marrëveshja më e madhe tregtare e negociuar ndonjëherë, pritet të nisin më 8 korrik.
Hollande tha se nuk do të ketë asnjë bisedim nëse nuk ka garanci se spiunimi do të ndalojë menjëherë dhe përgjithmonë.
“Ne s’mund të presim një sjellje të tillë nga partnerët dhe aleatët tanë, ndaj kërkojmë që kjo të ndalë menjëherë. Nuk mund të ketë bisedime nëse nuk marrim këto garanci, jo vetëm për Francën, por për gjithë vendet e Bashkimit Europian, për gjithë aleatët e Shteteve të Bashkuara”, deklaroi Hollande, transmeton TCH.
Edhe kancelarja gjermane, Angela Merkel ka reaguar nëpërmjet zëdhënësit të saj. “Të spiunosh miqtë nuk është e pranueshme. S’jemi në vitet e luftës së ftohtë”, deklaroi zëdhënësi i saj, Steffen Seibert duke shtuar se Gjermania dëshiron përforcimin e marrëdhënieve mes dy vendeve, por për këtë nevojitet besim i përbashkët.
Nga ana e tij, nga Tanzania ku ndodhet për vizitë në kuadër të turit të vizitave në kontinentin afrikan, presidenti Obama u mundua “të qetësojë gjakrat” duke deklaruar se Uashingtoni do të japë llogari përpara vendeve europiane.
Obama tha se në lidhje me Snoëden është rënë dakort me Moskën që të merren shërbimet sekrete për zgjidhjen e kësaj çështjeje, ndërsa u përpoq të mbrojë aktivitetin e agjentëve amerikanë në Europë.
“Çdo shërbim sekret, edhe ata europianë, përvecc aktivitetit normal që del edhe në media, përpiqen të sigurojnë edhe disa informacione shtesë mbi ccështje të caktuar”, tha Obama.
Më herët, Sekretari Amerikan i Shtetit, John Kerry mbrojti aktivitetin e shërbimeve sekrete amerikane duke i cilësuar ato “normale dhe në mbrojtje të sigurisë kombëtare”.
Para gazetarëve ai tha se nuk është në dijeni të detajeve, por se i ishte kërkuar llogari nga kryediplomatja e BE-së, Catherine Ashton dhe se brenda një kohe të shkurtër do të raportojë shpejt tek ajo.
Skandali i përgjimeve shpërtheu pas publikimeve në fundjavë të “Der Spiegel" në Gjermani dhe “The Guardian” në Britani. Informacioni i publikuar fillimisht në këto dy gazeta, besohet se është dorëzuar tek mediat nga Edward Snowden, ish-kontraktori i CIA-s i bllokuar në Rusi dhe që ka kërkuar azil në Ekuador.
Lajmi ka shqetësuar shumë prej udhëheqësve europianë, që shohin me mosbesim politikat e jashtme amerikane.
Komisioni Europian i cilësoi raportimet si shqetësuese dhe tha se pret sqarime dhe transparencë nga ana e Uashingtonit. /Telegrafi/
Promo
Reklamo këtuLufta Prigozhin - Putin
Më shumëReagon presidenti iranian, Zelenskyt hatërmbetje me aleatët – detaje dhe pamje, minutë pas minute, rreth ‘hakmarrjes’ së Izraelit ndaj Iranit
Ky është heroi më i ri i Dubait - ai shpëton një familje që kishte ngecur në veturë shkaku i përmbytjeve
Izraeli e njoftoi në minutën e fundit SHBA-në për sulmin ndaj Iranit
Pamjet satelitore tregojnë se nuk ka dëme të mëdha në Isfahan të Iranit
"Iranianët janë shumë të frikësuar"
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi