Shoqata për Mbrojtjen e Konsumatorit alarmon se shumë produkte ushqimore që importohen, por edhe disa nga to që prodhohen në vendin tonë, paraqesin rrezik serioz për jetën e qytetareve të Kosovës. Sipas tyre, dhjetëra produkte të prodhuara në vend, por edhe qindra të importuara janë tejet të dyshimta dhe të dëmshme për shëndetin e konsumatorit në vend.
Selatin Kaçaniku, nga Shoqata për Mbrojtjen e Konsumatorit, thotë se Kosova është vërshuar nga produkte të dyshimta që në masë të madhe rrezikojnë jetën e qytetareve të Kosovës. Ai thotë se shoqata që drejton ai në vazhdimësi ka quar zërin kundër këtyre produkteve, por sipas tij kërkesa e tyre ka hasur në vësh të shurdhër të institucioneve të larta të shtetit.
Kaçaniku thotë se në momentin kur janë publikuar të dhënat për një produkt të dyshimtë, ato janë kontestuar nga Institucionet. Por, sipas tij, më vonë ato të dhëna kanë rezultuar të jenë ashtu siç janë prezantuar nga shoqata që ai drejton. “Ne para pak kohësh patëm alarmuar për gjashtë lloje të lëngjeve të importuara që paraqesin rrezik për jetën e qytetareve të Kosovës. Por, ne në Kosovë kemi edhe shumë lëngje tona që prodhohen pa asnjë kriter. Ato kanë ujë, sheqer dhe ngjyrë dhe nuk kanë të bëjnë asgjë me lëngun”, tha ai.
Kaçaniku thotë se përpos kësaj në treg ka edhe jogurt të dyshimtë. Ai tha se në fillim jogurti i dyshimtë ka qenë vetëm ai që është importuar. Por, sipas tij tash së fundit rrezik paraqesin edhe disa lloje të jogurtit të prodhuar në vend.
Ai tha se në fillim Industria e qumështit në Kosovë ka qenë e shkëlqyer, pasi që ka prodhuar jogurt biotradicional, por sipas tij atë jogurt nuk mund na gjen në treg.
Kaçaniku thotë se shumë produkte sidomos ato që importohen deklarimi në ambalazh nuk përputhet me përmbajtjen e produktit. Ai thotë se një gjë të tillë e kanë hasur të produkte e “plazma keks”, por edhe në qumësht. Nëse një qumësht ka më shumë se 3 për qind përmbajtje të qumështit pluhur ai duhet të deklarohet në ambalazh, por sipas tij një gjë e tillë nuk ka ndodhur deri më tash, shkruan Zëri.
Në anën tjetër, Agim Shahini nga Aleanca Kosovare e Bizneseve thotë se produktet që prodhohen në Kosovë sidomos pijet janë konform rregullave dhe standardeve ndërkombëtare. “Prodhuesit e pijeve në vendin tonë janë të pajisura me licenca dhe standarde ndërkombëtare të prodhimit dhe të njëjtat pa fije problemi eksportohen në shtete të zhvilluara të BE-së”, tha ai.
Por, në anën tjetër zyrtarë të Ministrisë së Tregtisë dhe Industrisë kanë thënë se numri i ankesave për produkte të dyshimta në treg vazhdon të jetë shumë minimal. Arta Istrefi, këshilltare për media e ministres së Tregtisë Mimoza Kusari- Lila tha se numri i ankesave nuk është i kënaqshëm, përkundër kampanjave të vazhdueshme për ngritjen e vetëdijes për mbrojtjen e konsumatorit.
“Deri më tani kemi afërsisht 90 ankesa (nga janari deri më tani), ku shumica e ankesave kanë të bëjnë me rregullatorin e Ujësjellësit, KEK-un, skadim të afateve të produkteve të ndryshme, faturim i padrejtë apo mos-përfillje të garancionet. Rastet të cilat kanë qenë të lidhura me Inspektoratin e Tregut janë zgjidhur 100% në favor të konsumatorit”, ka thënë ajo. /Telegrafi/
Lufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Modë apo relaks?
Të hyra mbi 500 milionë euro, Dogana shënon rekord të ri
Shijo detin e krejt stinëve në “Holiday In 2”
Projekte të reja për zhvillimin e aftësive do të financohen nga Fondi Rajonal i Sfidave në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën