Pas 26 muaj të hetimeve prokurori i EULEX-it, Allen Cancisck, erdhi në përfundim se ka prova të mjaftueshme për të ngritur aktakuzë ndaj Ukë Rugovës dhe 19 persona të tjerë për krim të organizuar lidhur me kontrabandë me emigrantë.
Sipas prokurorit Cansick, nga maji 2011 deri më shkurt 2014, djali i ish-presidentit historik të Kosovës, Ukë Rugova ishte drejtues i një grupi kriminal i cili në këmbim të një shume prej 3000-4000 mijë euro siguroi 556 viza Shengen për 526 persona të ndryshëm nga gjithsej 614 aplikacione për vizë sa ishin bërë në ambasadën italiane në Kosovë.
Sipas prokurorisë, këto viza ishin afatshkurtra për turizëm 30 ditor dhe të vlefshme deri në 6 muaj.
Aplikacione për viza Shengen, më saktësisht 38 aplikacione për vizë Shengen italiane janë gjetur edhe në bastisjen në vendbanimin e Ukë Rugovës gjatë bastisjeve të urdhëruara nga prokurori i Eulex-it.
Sipas aktakuzës së prokurorit Cansick, Prokuroria Speciale e Kosovës ka pranuar nga Prokuroria Italiane në Romë, një kopje të dosjes së tyre lidhur ku ndër të tjera përfshihet edhe emri i ish-ambasadorit ambasadorin italian në Kosovë, Michael Giffoni, zyrtarin administrativ, Fawzi Habbib si dhe punonjësi lokal i ambasadës italiane në Kosovë, Florian Petani.
Në raportin e dërguar nga prokuroria italiane janë të përfshira 609 dosje të vizave. Të gjitha këto dosje janë të bëra në ambasadën italiane në Prishtinë nga periudha 3 gusht 2012 deri më shtator 2013.
Në këtë dosje të pranuar nga prokuroria italiane, përfshihen dy raporte, njëri nga ta është lidhur me ambasadorin Giffoni, ndërsa tjetri është lidhur me Fawzi Habib, shef i shërbimeve konsullore.
Raporti i prokurorisë italiane për Giffonin thotë se dosjet e vizave të aplikuesve kosovarë në Prishtinë, mund të ndahen në katër kategori, dhe të gjitha këto kategori kishin një të përbashkët, thirrjen në familjen Rugova.
Kategoria e parë e këtyre dosjeve, janë dosjet e nënshkruara nga Ukë Rugova, dhe të adresuara për ambasadorin Giffoni, ndërsa ata që i kërkonin këto viza ishin, të afërm, anëtarë të shërbimit të sigurimit të familjes, dhe asistent teknik.
Kategoria e dytë, gjithashtu përfshin letrat e nënshkruara nga Ukë Rugova dhe te adresuara për ambasadorin, me titullin, “Familja e Presidentit Rugova”. Ndërsa letra përmban një deklaratë të Ukë Rugovës që garantonte se individi që kërkon vizë është i njohur për të dhe se qëllimi i vizitës në itali, ishte turistik.
Kategoria e tretë ishte “Familja e Presidentit Rugova, Shërbimi i Sigurimit”, ndërsa kategoria e katërt, përmbante letrën “Familja Rugova”.
E dhënë interesante e aktakuzës është se kërkuesit kanë qenë nën moshën 25 vjeçare, ndërsa ka pasur raste ku ka pasur edhe të mitur. Në raportin e prokurorisë italiane për Gifonnin thuhet se vizat ishin pranuar jashtë orarit të zakonshëm të punës, si dhe aplikacionet nuk kanë kaluar përmes kanaleve normale të furnizuesit të jashtëm të vizave apo përmes departamentit të vizave në ambasadë.
Raporti i prokurorisë italiane për ambasadorin Giffoni sugjeron se aplikacionet janë trajtuar direkt nga ambasadori, i ndihmuar nga i akuzuari Florian Petani, punonjës vendor në ambasadë.
Raporti i prokurorisë italiane konstaton se aplikacionet e vizave nuk kanë përmbushur as kërkesat elementare të përcaktuara me rregulloret në fuqi.
Nga 556 vizat e lëshuara për aplikuesit kosovarë, në aktakuzë thuhet se 347 janë nënshkruar nga ambasadori Giffoni ndërsa 209 nga Fawzi Habib.
Prokuroria pretendon se të gjithë dëshmitarët thonë se nuk e kanë marrë sigurimin e tyre dhe se dokumentet e vetme të tyre të ofruara ishin pasaportat dhe fotografitë.
Gjithashtu dëshmitarët që kishin garancinë personale në dosjet e tyre kanë mohuar se e njihnin Ukë Rugovën, ose ta kenë takuar atë personalisht, ose të kishin kërkuar nga ai një letër të tillë, megjithatë atë sipas prokurorisë shumica e dëshmitarëve kanë pranuar se arë kanë paguar individë të njohur ose të panjohur për vizat e tyre përafërsisht 3000 ose 4000 mijë euro.
Për të vërtetuar të gjitha këto pretendime, prokurori Cansick, përveç provave tjera ka planifikuar që në shqyrtimin gjyqësor të ftoj hiç më pak se 178 dëshmitarë.
Gjykata Themelore në Prishtinë ende nuk ka caktuar datën e shqyrtimit fillestar të këtij rasti.
KALLXO.com ka kontaktuar edhe me avokatin e Ukë Rugovës, Nexhat Shabani, por ai ka thënë se nuk ka autorizim të flas nga klienti i tij.
Në këtë rast së bashku me Ukë Rugovën të akuzuar janë edhe, Izet Beqiri, Florjan Petani, Qefser Baholli, Astrit Haraqija, Fitim Beqiri, Azad Beqiraj, Liridona Beqiri, Kujtim Avdyli, Ragip Gashi, Visar Beqiri, Hamza Beqiri, Azem Koskoviku, Edison Idrizaj, Beg Shaqiri, Hasan Shaqiri, Latif Voca, Valon Selimi dhe Fadil Ahmeti. /Kallxo.com/
Promo
Reklamo këtuLufta Prigozhin - Putin
Më shumëNga Rubrika
Bajrami i reagon Muratit pasi tha se ka rritje të qarkullimit të biznesve, e fton për përballje
Lukarevska: Rezultatet për zgjedhjet presidenciale janë të qarta, do të kemi përsëritje të atyre të mëparshme
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë
Pse Mali i Zi votoi kundër Kosovës në KiE, flet Dritan Abazoviq
Lajçak me post të ri nga shtatori
Katër votat kundër Kosovës në Këshillin e Evropës dhe një abstenim, gjithçka që duhet të dini
Dyshohet se ishte duke u përgatitur për ta kryer një vrasje, arrestohet i dyshuari në Pejë
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia