0Shares

Rreth 60 qytetarë serbë kanë protestuar të martën paradite para gjykatave në veri të Mitrovicës, kundër fillimit të gjykimit të 6 të dyshuarve serbë të akuzuar për trazirat e marsit të vitit 2008.

Burime të “Kosovapressit” bëjnë të ditur se protestuesit kanë qenë kryesisht familjarë të të akuzuarve, ndërsa protesta ka filluar në ora 9:00 dhe ka zgjatur rreth gjysmë ore.

“Ky është një proces i montuar të cilin po e përjetojnë si një gjykim të të gjithë qytetarëve serbë në veri të Mitrovicës”, citojnë burimet të kenë thënë disa prej protestuesve.

Protestën e ka konfirmuar për Kosovapress edhe zëdhënësi i policisë në Mitrovicë, Avni Zahiti, duke thënë se protesta e sotme ka qenë e qetë dhe pa incidente. /Kosovapressi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)