Pse Hitleri e ndali ushtrinë gjermane, që të shkatërronte Aleatët në betejën e Dunkirkut?

Pas rënies së shpejtë dhe të habitshme të Francës gjatë Luftës së Dytë Botërore, ajo që mbetej nga ushtria franceze, së bashku me trupat britanike dhe belge, u tërhoq nga kontinenti në portin e Dunkirkut. Me oqeanin pas tyre dhe gjermanët që vinin nga drejtimi i kundërt, aleatët ishin me të vërtetë, mes Djallit dhe detit të thellë blu.

Pak përpara se gjermanët të mund të nisnin një sulm dhe asgjësuar mijëra forcat aleate në plazh, Hitleri i urdhëroi që të mos lëviznin për tre ditët e ardhshme. Forcat gjermane shihnin aleatët teksa evakuoheshin me anije, varka, jahte, dhe çdo gjë tjetër që mund të lundronte. Përse e porositi Hitleri ushtrinë gjermane që të ulte armët?

Një sulm ndaj trupave aleate në Dunkirk do të kishte pasur një efekt të paharrueshëm në luftë. Ai do t’i kish dhënë një goditje të rëndë ushtrisë britanike dhe do të kish çuar në asgjësimin e plotë të ushtrisë franceze. Para se të kryente vetëvrasje, Hitleri tha se urdhëri ishte një “gjest sportiv,” do të thotë për të joshur Anglinë në bisedime me Gjermaninë, në mënyrë që ata të mund t’i jepnin luftës, transmeton bota.al.

Por janë të shumtë ata që kundërshtojnë. Ata besojnë se Hitleri kishte një rivalitet të hidhur me gjeneralët e tij dhe po përpiqej t’u tregonte se ishte ai që vendoste se ku, kur dhe si luftonin trupat gjermane. Të tjerë besojnë se Hitleri ishte befasuar nga rënia e shpejtë e Francës, dhe ai dyshonte se tërheqja në Dunkirk ishte një kurth.