Ndonëse çdo ditë zgjohen herët, punëtorët e krahut në qytetin e Mitrovicës thonë se shumë vështirë sigurojnë kafshatën e gojës, ndërsa përveç problemeve të shumta, ata ankohen se “padronët” nuk po i paguajnë sa duhet dhe se çdo ditë e më shumë po u rritet konkurrenca.
S. T. është zgjuar në orën 6:00 të mëngjesit, me shpresë se do t’i fitojë nga 10 deri 15 euro nga puna që do të bëjë si punëtor krahu.
45 vjeçari nga Mitrovica, i cili çdo ditë del në qendër të qytetit për të siguruar kafshatën e gojës, rrëfen për Kosovapress se në çfarë situate ndodhet ai dhe shokët e tij.
Sipas tij, mund të ndodhë disa ditë të mos i marrë askush për të punuar.
“E sheh sot, ka shkuar gjysma e ditës dhe askush nuk më ka marrë për të punuar. Çfarë t’u dërgoj fëmijëve për të ngrënë”, rrëfen 45-vjeçari, i cili nuk preferon që t’i bëhet emri publik.
Ai përveç problemeve të shumta dhe ankesave se “padronët” nuk po i paguajnë sa duhet, ankohet edhe se çdo ditë e më shumë po u rritet konkurrenca.
“Nuk ka ditë që nuk shtohet ndonjë fytyrë e re”, ofshan ky 45 vjeçar, duke u ankuar në punën e institucioneve që nuk po bëjnë sa duhet për ta ulur papunësinë dhe për t’u ofruar kushte më të mira qytetarëve.
Ndërkaq, një tjetër punëtor, që po ashtu nuk dëshiron t’i përmendet emri, thotë se e tërë familja e tij varet nga puna që bën ai.
“Ndodhë një ditë punojmë, e 10 ditë tjera s’na merr askush. Bëhemi qindra punëtorë në mëngjes. Kemi provuar të shkojmë në komunë disa herë, por çfarë, s’ke shans me hy brenda, sepse s’të lejon sigurimi. Jo nuk është këtu ai, nuk është ky, me fjalë tjera veç sa me na largu”, ka thënë ky punëtor rreth të 50-tave, nga një paralagje e Mitrovicës.
Për gjendjen në të cilën ndodhet, ai kritikoi institucionet komunale, që sipas tyre, nuk po bëjnë asgjë për këtë shtresë.
Në anën tjetër, Ramadan Kelmendi, drejtor i Qendrës Rajonale për Punë Sociale në Mitrovicë, ka thënë se ky qytet ka shkallën më të lartë të papunësisë në vend.
“Një prej problemeve më të rëndësishme për të cilën shoqëria nuk është kujdesur në tërësi është pikërisht punësimi”, tha mes tjerash Kelmendi.
Sipas tij, Mitrovicës i mungon tregu i punës, sepse ka shitore, pastaj biznese etj, të cilat janë të karakterit privat dhe punësojnë familjarë.
Ai bëri të ditur se në Qendrën Rajonale punë kërkojnë një shkallë e lartë e të rinjve me të gjitha përgatitjet profesionale.
“Janë gjithsej rreth 70 mijë punëkërkues të regjistruar në rajonin e Mitrovicës të cilët kërkojnë punë”, theksoi Kelmendi. /Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Mesazhet iraniane ulën çmimet e naftës në tregun botëror
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën