Rreth 3300 punëtorë të KEK-ut kanë protestuar për një orë në mes të shiut në minierën e Bardhit, Mirashit, Termocentralit “Kosova A”, Termocentralit “Kosova B”, dhe serviset e DPS-së. Ata kanë akuzuar menaxhmentin e KEK-ut që janë joserioz ndaj tyre dhe paralajmërojnë radikalizim nëse nuk përmbushen kërkesat e tyre.
Përveç ngritjes së pagave, ata kërkuan edhe marrëveshjen kolektive mes sindikatës dhe udhëheqësve të KEK-ut, prezencën e përfaqësuesve sindikal në organet e vendimmarrjes dhe kërkesa tjera.
Gëzim Selmani punëtor i Termocentralit “Kosova A” që kishte dal të protestonte me kolegët e tij ka thotë se kërkojnë të gjenden forma për realizimin e kërkesave nga menaxhmenti i KEK-ut. “Për rritje të pagave, për kushte më të mira në punë, për kushte më të mira në familjet tona, t’u e pa situatën aktuale ekonomike në Kosovë, t’u e pa prodhimin tona që ka ecur në katër vitet e fundit kjo është kërkesë reale nga sindikata dhe punëtorët”, ka thënë ai.
Që nga fillimi i këtij vitit menaxhmentit të KEK-ut i është bërë kërkesa nga sindikata e punëtorëve që të bëjë rritje të pagave për 30 për qind të fondit të përgjithshëm për nivel vjetor për punëtorët, që kur përpjesëtohet i bie diku rreth 150 euro për secilin.
Kryetari i kësaj sindikate, Izet Mustafa ka thënë për Kosovapress dikur kishin premtimin nga menaxhmenti i KEK-ut se pas shthurjes së dy divizioneve të KEK-ut, furnizimin dhe rrjetit, do të gjejë mënyrat për përmbushjen e kërkesave, megjithatë ai ka thënë se në një takim para disa ditësh me menaxhmentin e kanë parë një jo seriozitet nga ata që të përmbushin kërkesat e punëtorëve. “Ne jemi taku me nivelin më të lartë të KEK-ut tu përfshi drejtorët e financave, të divizioneve, drejtorin operativ të KEK-ut dhe kemi shpresuar që në takimin e parë të kemi një përgjigje konkrete ngase i kanë ditur kërkesat qysh moti dhe kanë qenë të informuar e kanë pasur kohë të llogarisin, por fatkeqësisht ndihi e kundërta”, ka thënë ai.
Mustafa thotë se vetëm në KEK asnjëherë nuk janë ngritur pagat dhe se është koha që këta punëtorë të jenë më të dinjitetshëm. “Kisha me apeluar tek menaxhmenti i KEK-ut, tek institucionet tek Qeveria që t’i merr parasysh kërkesat e punëtorëve të KEK-ut në mënyrë që të mos vie deri tek radikalizimi i qëndrimeve të sindikatës dhe vet punëtorëve. Ne do të jemi këmbëngulës në kërkesat tona sepse është e drejtë, ngase vetëm punëtorët e KEK-ut deri më tani nuk kanë pasur ngritje pagash dhe tashmë duhet të jenë më të dinjiteshëm”, ka thënë ai.
Ndryshe, mësohet se punëtorët e KEK-ut, përjashtuar ata që ndikojnë drejtpërdrejt në prodhim, do të protestojnë sërish nesër për një orë por kësaj radhe të gjithë në nj pikë të vetme, në “Kosova B”. /Kosovapress/Telegrafi/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Shtrohet darka tradicionale për musafirët special të Panairit Horeca
EBC Cosmetics vjen me zbritjen më të madhe vjetore
Modë apo relaks?
Eksploro natyrën me stil dhe komoditet me ofertat e Melodia Px për Ditën e Punëtorëve!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre