0Shares

Kompania e rejtingut, Standard & Poor's tha se qeveria amerikane planifikon ta padisë atë në lidhje me vlerësimet për hipotekat para krizës financiare të vitit 2008.

Standard & Poor’s tha se Departamenti i Drejtësisë do të ngre padi për shkak të rejtingut të lartë që i kishin dhënë disa hipotekave, të njohura si obligimet kolaterale të borxhit(CDO) në vitin 2007, vlera e të cilave më vonë ra në mënyrë dramatike.

Rënia e CDO-s u shkaktua nga kolapsi i tregut të shtëpive në SHBA, që çoi në krizë globale. Standard & Poor’s tha se rasti është plotësisht pa fakte dhe pa baze ligjore.

Një zëdhënëse e Departamentit të Drejtësisë ka refuzuar të komentojë. Raportet e mediave thonë se veprimet ligjore mund të ndërmerren në këtë javë. Një padi e tillë, do të shënonte rastin e parë në lidhje me keqbërjen e ndonjë agjencie rejtingu që lidhet me krizën financiare.

Aksionet e Standard & Poor’s ranë 13.8 për qind të hënën. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)