Me miratimin në lexim të parë projektligjin për plotësimin e Ligjit për Fondet Pensionale të Kosovës në Kuvendin e Kosovës, Qeveria po rrezikon jetën e pensionistëve të tanishëm por edhe të atyre të gjeneratave vijuese.
Kështu tha pjesëtarja e grupit qytetar #PROTESTOJ, Edona Bajrami në një konferencë për media, e cila tha se Qeveria jo vetëm që nuk ka arritur të ndërtoi një sistem efikas të mbrojtjes bazike sociale por edhe ka nisur iniciativa që rrezikojnë ekzistencën fizike të qytetarëve të saj dhe se po shuajnë mundësinë e vetme për një pleqëri dinjitoze.
“Përderisa kryeministrat, ministrat tanë janë bërë milionerë, shtatëmbëdhjetë vjet pas përfundimit të luftës dhe tetë vjet pas shpalljes së pavarësisë, qeveria jonë, jo vetëm që nuk ka arritur të ndërtojë një sistem efikas të mbrojtjes bazike sociale, por ajo ka nisur iniciativa politike të cilat drejtpërdrejtë rrezikojnë ekzistencën fizike të qytetarëve të saj…Iniciativa e fundit e Kuvendit të Kosovës, i cili ka miratuar në lexim të parë projektligjin për ndryshimin dhe plotësimin e Ligjit për Fondet Pensionale të Kosovës, shënon kapërcimin më të madh që kjo qeveri ka bërë deri më tani, që legjitimon plaçkitjen e pronës private të qytetarëve të Kosovës, e që janë kursimet tona private në Trust Pensional. Ata synojnë të mbysin të vetmen mundësi tonën për një pleqëri të dinjitetshme…”, tha Bajrami.
Ndërsa si formë pakënaqësie ndaj sistemit qeverisës ky grup qytetarësh ka parashtruar disa pyetje për qeverinë, pasi që sipas tyre me miratimin e projektligjit për ndryshimin dhe plotësimin e Ligjit për Fondet Pensionale të Kosovës, Qeveria e tanishme po rrezikon jetën e pensionistëve të tanishëm por edhe të atyre të gjeneratave vijuese.
“Duke parë që qeveria jo vetëm që rrezikon jetërat e pensionistëve të tashëm por edhe të gjeneratave që vijnë, ne e pyesim atë: A nuk është kjo shkelje flagrante e kushtetutës?, A nuk është shkelje flagrante e të drejtave të njeriut t’i përvetësoni paratë tona të kursyera për pleqëri?, A nuk është mohimi i të drejtës në pension bazë shkelje flagrante e Kushtetutës së Republikës së Kosovës dhe obligim i juaji për të na siguruar jetë të dinjitetshme?, A nuk është shkelje flagrante e kushtetutës dhe obligim i juaj për të na garantuar barazinë para ligjit?, A nuk është shkelje e kushtetutës kontrabandimi i ligjeve në Kuvend, pa e pyet as edhe një qytetar të vetëm?…”, tha Bajrami.
Ndërkohë, qytetarët që mbështesin iniciativën #PROTESTOJ thanë se nuk do të ndalen derisa të përmbushen qëllimet për një shtet ligjor dhe demokratik, andaj edhe do të vazhdojnë të marrin pjesë në protestat simbolike çdo të enjte në orën 17:00 në sheshin “Zahir Pajaziti”. /Telegrafi/
Promo
Reklamo këtuLufta Prigozhin - Putin
Më shumëKush është vajza biznesmene që po pushton tregun muzikor?
3, 2, 1 - Volvo gati për ty!
24 orë na ndajnë nga ngjarja e madhe Halving në Bitcoin
Kosova përfiton 90 milionë euro nga Banka Botërore
Mesazhet iraniane ulën çmimet e naftës në tregun botëror
B&M ofron Trajnim dhe certifikim për Operuesit e Vinçave, Auto Vinçave, Pirunierëve, Ashensorëve të ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel