LAJMI I FUNDIT:

REPORTAZH – Qyteti që jeton për derbin (Foto)

REPORTAZH – Qyteti që jeton për derbin (Foto)
-->

Me t’u futur në qytetin e Gjilanit e kupton që atë ditë zhvillohet një ngjarje ndryshe, diçka që i jep jetë këtij qyteti, diçka me të cilën krenohet i gjithë qyteti.

Futbolli është pjesë e rëndësishme e jetës së njerëzve në këtë qytet, ndërsa dashuria e tyre për këtë sport kulmon me ndeshjen që njihet edhe si derbi më i madh lokal në Kosovë, Drita-Gjilani.

Rrugët kishin filluar të zbrazeshin, pasi të gjithë kishin marrë rrugën drejt stadiumit të qytetit.

Me t’u afruar te stadiumi sheh radhë të gjata, e tifozë të veshur me fanellat e skuadrave të zemrës.

derbi 12
Nuk mungon asnjëherë gjinia e bukur në derbi

“Sot do të fitojmë, pasi në kohën e fundit kemi fituar rregullisht në derbi”, thotë një tifoz i Gjilanit.

Reportazhi - Drita - Gjilani - foto Ridvan Slivova (3)
Tifozët e Gjilanit – Skiferat

Gjilani që mbante fanellat e kuqe në këtë ndeshje është në ‘luftë’ për të fituar trofe, pasi ka ruajtur skuadrën e sezonit të shkuar dhe ka marrë disa përforcime të rëndësishme.

Në anën tjetër, Drita ishte vendase dhe tribuna e madhe e stadiumit u takonte atyre. Ata e kishin mbushur me tifozë dhe dukej sikurse një valë e bukur deti, pasi vezullonte nga ngjyra e kaltër.

derbi 1
Tifozët e Dritës- Intelektualët

Kishte një orë pa filluar ndeshja dhe grupet e tifozërive kishin zënë vendet dhe kishin filluar këngët e tyre.

Është një sfidë që luhet për ta zotëruar qytetin.

derbi 13
Koreografi e përgatitur nga Intelektualët

Ishin mbledhur pothuajse 7.000 tifozë për ta parë këtë ndeshje, që asnjëherë nuk arsyeton atë që bëhet në tribuna me lojën në fushë.

Para se të fillonte sfida, tifozët kishin përgatitur  koreografitë e tyre, secila më bukur se tjetra.

derbi 3
“The City is Ours”, thonë tifozët e Gjilanit

I gjithë ky spektakël zhvillohej në sytë e nënkryetarit të Federatës gjermane të futbollit, Rainer Milkoreit, i cili së bashku me kryetarin e FFK-së, Fadil Vokrrin, kishin zënë vend në tribunën VIP.

derbi 9
Tym i kaltër

Ndeshja filloi, por pak kishte nga loja, sa kishte nga tribunat.

Këngë, fishekzjarre e gëzim nga të dy tribunat, pasi ‘lufta’ zhvillohet edhe për atë se kush arrin të bëjë diferencën nga shkallët e stadiumit.

derbi 11
Tym i kuq

Ndeshja u mbyll 1-0 në të mirë të Gjilanit me golin e shënuar me kokë nga kapiteni Ylber Kastrati, pas harkimit shumë preciz nga Isa Eminhaziri.

derbi 7
Goli që vendosi ndeshjen

Festa pas fishëkllimës së fundit të Genc Nuzës ishte e “të kuqëve”. Ata si një familje e madhe festuan për shumë minuta në fushë, tifozë, lojtarë e madje edhe trajneri Arbnor Morina, pa dallim. Të gjithë!

derbi 6
Festa e lojtarëve me tifozët

Në anën tjetër edhe Intelektualët, ngushëlluan lojtarët e tyre, duke i duartrokitur në fund. Ata u ulën në fushë në shenjë kërkim falje për humbjen.

derbi 5
Dëshpërimi i lojtarëve të Dritës

Festa e Gjilanit vazhdoi edhe në rrugë dhe do të vazhdojë deri në orët e vona pas mesnatës, pasi qyteti i Gjilanit u vesh edhe një herë kuq. /Telegrafi/

derbi 8
Festa në rrugët e Gjilanit

Në trend Sport

Më shumë
Barcelona i përgjigjet çmimit që Man Utd i ka vënë kartonit të Greenwood

Barcelona i përgjigjet çmimit që Man Utd i ka vënë kartonit të Greenwood

La Liga
Cancelo zbulon arsyen që çoi në prishjen e raporteve me Guardiolën, tregon edhe planet që ka me Barcelonën

Cancelo zbulon arsyen që çoi në prishjen e raporteve me Guardiolën, tregon edhe planet që ka me Barcelonën

La Liga
Ancelotti ka vetëm një lojtar të paprekshëm në ekip – nuk është Vinicius as Bellingham

Ancelotti ka vetëm një lojtar të paprekshëm në ekip – nuk është Vinicius as Bellingham

La Liga
“Mungon dikush që kundërshton Granitin” - Valon Behrami me deklaratë goditëse ndaj Xhakës

“Mungon dikush që kundërshton Granitin” - Valon Behrami me deklaratë goditëse ndaj Xhakës

Përfaqësueset
Man Utd tashmë e di se sa para janë të gatshëm të paguajnë Dortmundi për Sanchon

Man Utd tashmë e di se sa para janë të gatshëm të paguajnë Dortmundi për Sanchon

Premier League
Spalletti kritikon ashpër lojtarët e Italisë: Disa prej tyre janë të varur nga videolojërat

Spalletti kritikon ashpër lojtarët e Italisë: Disa prej tyre janë të varur nga videolojërat

Përfaqësueset
Kalo në kategori