LAJMI I FUNDIT:

Ramiqi: Në Kosovë nuk ka ideologji vehabiste, artikulli i New York Times i montuar

Ramiqi: Në Kosovë nuk ka ideologji vehabiste, artikulli i New York Times i montuar

Kryetari i LISBA, Fuad Ramiqi, në Info Magazine të Klan Kosovës ka thënë se artikulli për radikalizmin fetar në Kosovë, i publikuar në prestigjiozen “The New York Times” nuk është aspak i vërtetë dhe është krejtësisht i montuar.

“Nuk është asgjë e re. Është diçka që është orkestruar si edhe vite më parë. Çdo herë kur Kosova kalon nëpër një krizë, apo ka probleme të brendshme, fajtor kujdestar janë njerëzit që kanë qenë pjesë e këtyre konflikteve”, tha ai.

Ai fajin për këtë gjë ua ka hedhur pushtetarëve dhe shteteve perëndimore, që sipas tij kanë bërë thirrje të luftohet regjimi i Bashar Al-Asaad.

“Po të mos ishin pushtetarët, me synimin për t’i ruajtur pozitat e veta, kjo dukuri nuk do të ishte fare e pranishme. Luftëra kanë ekzistuar edhe më herë, në Afganistan dhe Irak, por askush nuk është bërë pjesë e tyre, derisa nuk ka pasur thirrje për këtë gjë”.

“Pushteti ka bërë thirrje dhe aleatët perëndimor po ashtu, që të luftohet Bashar Al-Asaad. Sigurisht ata janë dhënësit e sinjalit të parë për të shkuar atje. Nuk i përjashtoj edhe arsyet tjera, si humbja e identitetit kombëtar, kulturor si dhe oligarkia e madhe në vend”, tha ai.

Ramiqi ka deklaruar se nuk ka ideologji vehabiste në vend, por është duke u penguar tentimi që “islami burimor”, siç e ka quajtur ai, të mësohet në Kosovë, njofton Klan Kosova.

“Nuk qëndron asgjë e vëretetë në artikullin e NYT, pasi asnjëherë nuk është treguar se cilat shoqata kanë financuar terrorizmin. Është thënë shumë herë se është bërë pastrim parash nga Arabia Saudite, por dihet mirëfilli se ky shtet është shtet aleat i ShBA-së. Kosovarët asnjëherë nuk kanë shkuar të luftojnë në Irak, por në Siri. Pastaj rrjedhat atje nuk kanë mundur të kontrollohen”.

“Në Kosovë nuk ka ideologji vehabiste, por ka tendencë që të mësohet islami burimor. Por kjo gjë është duke u penguar nga faktorë të ndryshëm”.

“Jam i bindur që në Kosovë nuk ka pasur asnjë rast që një individ ka bërë vepër që ka shkaktuar panik ose ka rrezikuar qytetarët. Në Kosovë po tentohet që islami t’i përshtatet pushtetit dhe grupeve të ndryshme të interesit që janë të kompleksuara në dimensione të ndryshme”.

Sa i përket arrestimit dhe procesit gjyqësor që po zhvillohet ndaj tij, lidhur me akuzat për “thirrje për rezistencë”, Ramiqi procesin e ka quajtur politik.

“Unë fatkeqësisht jam i persekutuar nga pushteti, që dyshon se unë dua të bëj një organizim që unë ta rrëzoj pushtetin me dhunë – thirrje për rezistencë. Unë sot jam ende nën hetime dhe ani pse më kanë thënë që jam i akuzuar për terorrizëm, tashmë është thënë që kjo ka qenë krejtësisht politike. Unë kurrë nuk kam bërë thirrje për rezistencë. Po ashtu mund të them që nuk kam rekrutuar njerëz asnjëherë”. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori