Çaj dhe biber të kuq për trup të hollë

10:30 / 14.04.2009

Një studim i ri ka zbuluar se kombinimi i kapsaicinës (përbërësi i biberit të kuq) dhe çajit të gjelbër sjell ndjenjën e ngopjes dhe mund të ofrojë ndihmesë të madhe në kontrollimin e peshës trupore.

Në studim kanë marrë pjesë 27 vullnetarë me moshë mesatare 27-vjeç dhe me indeks mesatar të masës trupore- BMI=22.2 kg/m2.

Participantët gjatë tri javëve kanë konsumuar më pak kalori sesa kanë pasur nevojë, ndërsa në tri javët e radhës më tepër kalori se nevojat e organizmit.

Gjatë kësaj periudhe është analizuar ndikimi i kapsaicinës, çajit të gjelbër, kombinimit të kapsaicinës dhe çajit të gjelbër, dhe placebos në apetit dhe në konsumimin e ushqimit.

Vetëm kombinimi i kapsaicinës dhe çajit të gjelbër ka dhënë rezultate pozitive duke shkaktuar zvogëlimin e konsumimit të kalorive.

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.