Edhe 24 gjene lidhen me shkurtpamësinë

10:18 / 15.02.2013

Ekipi ndërkombëtar i shkencëtarëve në 45 mijë persona të studiuar ka identifikuar edhe 24 gjene, të cilat lidhen me shkurtpamësinë.

Rezultatet e publikuara në revistën shkencore 'Nature Genetics' bazohen në analizimin e të dhënave të mbledhura për nevojat e 32 studimeve të mëparshme. Studiuesit besojnë se puna e tyre do të sjellë deri te përmirësimi i metodave të parandalimit dhe korrigjimit të shkurtparnësisë.

Vlerësohet se nga shkurtpamësia vuajnë rreth 30 për qind e njerëzve në Evropë dhe SHBA, e madje 80 për qind e njerëzve në Azi.

Në mesin e gjeneve të identifikuara janë edhe ato, të cilat ndikojnë në proceset e sinjalizimit mes trurit dhe syrit, si edhe në strukturën dhe zhvillimin e syrit. Disa prej këtyre gjeneve janë të lidhura edhe me mundësinë deri në dhjetë herë më të madhe për shkurtpamësi. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.