Kockat e forta kanë nevojë për dritën e diellit
Kur dielli prek lëkurën, trupi prodhon vitaminën D, e cila i nevojitet trupit për metabolizmin e kalciumit që e merr nga ushqimet dhe për ta depozituar atë në kocka.Kalcium është përbërësi më i rëndësishëm për skeletin e njeriut. Fëmijët të cilët ushqehen mjaftueshëm me qumësht, djathë dhe nënprodukte të qumështit, por nuk ekspozohen sa duhet në dritën e diellit, kanë dëmtim të formimit të indit kockor. Në rastin më të keq mund të shfaqet edhe rakitizmi, i cili haset për shembull. në kockat e shpinës dhe të kokës.
Rreth të njëzetave, ndërtimi i kockës është mbyllur, jemi rritur tashmë, por tek kockat ndodhin ende procese formuese dhe shkatërruese: rreth 10% e skeletit tonë rigjenerohet në vit. Këtu luan rol të rëndësishëm vitamina D.
Tek gratë pas menopauzës indi kockor reduktohet me deri në 4% në vit. Për ta frenuar këtë humbje, është mjaft e rëndësishme drita e diellit edhe në moshë të rritur. Në rast mungese vitamine D mundet që kockat të shfrytëzojnë përkatësisht vetëm gati gjysmën e sasisë së kalciumit, që kanë në dispozicion. Në këtë mënyrë, ndër të tjera. rritet edhe rreziku për thyerje të kockave.
Vetëm rrezet e diellit bëjnë të mundur prodhimin e vitaminës D nga vetë trupi. /Telegrafi/
