Majdanozi, për pastrim të fytyrës

0:30 / 8.03.2011

Që të keni fytyrë të pastër dhe të freskët, kurse nuk keni kohë për tretman, mund të provoni disa zgjidhje alternative për kujdes shtëpiak.

Receta për përgatitje të tonikut për pastrim të fytyrës në kushtet shtëpiake, që po jua prezantojmë ju tërheq me thjeshtësinë e vet.

Gjithçka që ju nevojitet për të përgatitur këtë është esencë me aromën që ju pëlqen dhe majdanoz i freskët. Në një litër ujë të zierë vini një tufë majdanoz të freskët dhe lëreni të përgatitet rreth 15 minuta. Më pas kullojeni dhe lëreni të ftohet. Mund ta mbani në një shishe të vogël në frigorifer një muaj të tërë.

Nëse dëshironi të ketë aromë të këndshme mund t'i hidhni disa pika esencë. Nëse kini fytyrë të yndyrshme, në vend të esencës së trëndafilit hidhni esencë nenexhiku, kurse nëse keni fytyrë të thatë, hidhni disa pika esencë trëndafili. Për fytyrë normale është mirë në tonik të hidhni disa pika esencë portokalli. Toniku duhet të përdoret në mëngjes dhe në mbrëmje. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.