Projekti “Dhëmbë të shëndoshë, fëmijë të lumtur” bartet në Kopshtin e fëmijëve në Skenderaj
15:37 / 18.09.2012
Organizata për Arsim, Shkencë dhe Shëndetësi “KISCOMS”, Qendra Kombëtare për Edukim Shëndetësor Oral “DENT-IN”, Shoqata Kosovare e Studentëve të Stomatologjisë “KADS”, në bashkëpunim edhe me Qendrën Rinore Publike në Skenderaj, dhe në koordinim të punëve me Drejtoratin për Arsim, të mërkurën, me dt. 19 shtator, nga ora 10:00-12:00, do të qëndrojnë në kopshtin e fëmijëve të qytetit të Skenderajt, për realizimin e fazes së pare të projektit “Dhëmbë të shëndoshë, fëmijë të lumtur- Viti shkollor 2012-2013”. Ky është kopshti i parë që vizitohet në kuadër të projektit.
Ky projekt do të realizohet gjatë vitit shkollor 2012-2013, përkatësisht nga muaji shtator 2012, deri në muajin qershor 2013, në të gjitha Institucionet parashokollore, fillore dhe të mesme të Republikës së Kosovës, bazuar në programin ”Shkollat Promovuese të Shëndetit” dhe në rekomandimet e grupit ndërministror nga Ministria e Arsimit, Shkëncës dhe e Teknologjisë (MASHT), Ministria e Shëndetësisë (MSH), Ministria e Mjedisit dhe Planifikimit Hapësinor (MMPH) si dhe Ministria e Kulturës, Rinisë dhe Sporteve (MKRS). Ky projekt ka marrë edhe pëlqimin me shkrim të Ministrisë së Arsimit, Shkëncës dhe të Teknologjisë dhe nga Ministria e Shëndetësisë. Pikërisht për këtë, sot, në sallën e konferencave të Qendrës Kombëtare për Edukim Shëndetësor Oral, “DENT-IN”, është realizuar një takim informues e koordinues i organizatave të lartëpërmendura dhe i grupit ndërministror nga programi ”Shkollat Promovuese të Shëndetit”.
Projekti “Dhëmbë të shëndoshë, fëmijë të lumtur- Viti shkollor 2012-2013”, ka për qëllim (I) Informimin e fëmijëve të moshës parashkollore, nxënësve të shkollave fillore dhe të mesme dhe qytetarëve të tjerë mbi rëndësinë e mirëmbajtjes së higjienës orale, (II) Informimin e fëmijëve të moshës parashkollore, nxënësve të shkollave fillore dhe të mesme dhe qytetarëve të tjerë mbi metodën e drejtë dhe të rregullt të pastrimit të dhëmbëve, duke përfshirë këtu edhe kohëzgjatjen dhe periudhën në të cilën pastrimi i dhëmbëve është i domosdoshëm, (III) Vlerësimi i gjendjes së shëndetit dentar dhe oral të nxënësve të shkollave fillore në të gjitha qytetet e Kosovës, (IV) Vlerësimi i nivelit të edukimit për shëndetin oral të fëmijëve të Institucioneve parashkollore, nxënësve të shkollave fillore, të mësimdhënësve dhe të prindërve, në të gjitha qytetet e Kosovës.
Po ashtu, si qëllim i projektit është edhe (V) Përgatitja e rregullores-strategjisë afat shkurtër dhe afat mesme për edukim shëndetësor oral në Institucionet parashkollore, fillore dhe të mesme të Kosovës, 2013-2018.
Programi ”Shkollat Promovuese të Shëndetit” është program i cili implementohet në dhjetra shtete rajonale, evropiane dhe botërore. Në Republikën e Kosovës, ky program është inicuar nga OBSH nepërmjet një memorandumi të bashkëpunimit me grupin ndërministrorë, nga Ministria e Arsimit, Shkëncës dhe e Teknologjisë (MASHT), Ministria e Shëndetësisë (MSH), Ministria e Mjedisit dhe Planifikimit Hapësinior (MMPH) si dhe Ministria e Kulturës, Rinisë dhe Sporteve (MKRS). “Kjo strategji, ky memorandum është aprovuar nga Qeveria e Kosovës, në mbledhjen e mbajtur me 30 mars 2010, me nr. 1/117,
Në projektin, “Dhëmbë të shëndoshë, fëmijë të lumtur- Viti shkollor 2012-2013”, do të përfshihen në mënyrë të drejtëpërdrejtë mbi 1150 Institucione parashkollore, fillore dhe të mesme të Republikës së Kosovës, përkatësisht do të përfshihen një numër prej 450 mijë fëmijë-nxënës.
* Faza e pare e projektit do të implementohet gjatë muajit shtator dhe tetor 2012, në mbështetje nga Klinika Dentare “DENT-IN”, ndërsa fazat tjera do të implementohen nga fillimi i vitit 2013.
* Sponsor medial të projektit janë : Telegrafi.com, Radiotelevizioni 21 dhe Gazeta Kosova Sot./Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
