Si dhe ku u shpenzuan milionat e tenderëve në Kosovë më 2015 (Infografikë)

Gjatë vitit 2015 janë shpallur mbi 7116 tender nga institucionet publike, organizatat e huaja, bizneset lokale etj. Shuma totale e fituar nga këto kontrata është 473,955,193 euro. Institucionet publike kanë shpallur numrin më të madh të tenderëve prej 5634 tender publik, ndërsa organizatat e huaja, organizata jo qeveritare jo profitabile dhe bizneset lokale kanë shpallur mbi 1482 tender publik.

“Numri më i madh i tenderëve të shpallur i takon kategorisë së infrastrukturës. Kontrata më e madhe e fituar gjatë vitit 2015 arrin shumën prej 12,247,534, ndërsa kompania që ka fituar më së shumti tenderë publik, ka fituar gjithsej 54 tender gjatë vitit 2015. Institucionet që publikuan numrin më të madh të tenderëve ishin Komunat. Korporata Energjetike e Kosovës publikoi numrin më të madh të tenderëve me 361 tender gjatë vitit”, theksohet në hulumtimin e platformës DyGur, shkruan Telegrafi.

Sipas këtij, hulumtimi muaji mars kishte numrin më të lartë të publikimeve me 583 tender të publikuar, ndërsa muaji janar kishte numrin më të ulët të publikimeve me 137 tender të publikuar.

Ndryshe, DyGur është një platformë ku mund të gjeni informata mbi tregun e punës dhe mjedisin e biznesit në Kosovë. Informohuni me tenderët që shpallen në baza ditore nga institucionet, organizatat dhe bizneset e ndryshme. Po ashtu mund të informoheni edhe me fituesit e tenderëve në Kosovë që është konkurrenca juaj.

DyGur ju ofron mundësinë që të hulumtoni konkurrentët tuaj dhe aktivitetet e tyre biznesore. Na kontaktoni që të informoheni më shumë për platformën DyGur. /Telegrafi/