Problem mjaft i shpeshtë që shfaqet jo rrallë te vrapuesit janë dhimbjet e barkut (abdominale). Ato janë më të rralla gjatë trajnimeve të lehta dhe atyre gjysmë maratonike, por dinë të jenë mjaft të shpeshta në trajnimet e gjata maratonike dhe te ushtrimet me rritje frekuence.
Arben Boshnjaku, MSc Pt, MSc Sport Sci.
Fizioterapeut
Sipas disa studimeve 40 deri 50% e vrapuesve maratonikë kanë pasur në të kaluarën apo kanë ende probleme me dhembje të barkut. Arsyet kryesore që ndikojnë në shfaqjen e dhimbjes së pjesës së poshtme abdominale janë: tendosjet e këtyre muskujve, cikli menstrual, infeksionet e brendshëm, gurët në veshka, etj.
Kjo dhembje mund të vijë prej tri regjioneve: muskujve të murit të përparmë të barkut, diafragmës dhe sistemit tretës.
Muri i përparmë abdominal paraqet atë pjesën e parë që i ekspozohet stresit të shtuar përgjatë vrapimit dhe rënies së furnizimit me oksigjen (përkundër frymëmarrjes së shtuar dhe mjaft të fuqishme).
Kështu, kombinimi i zgjatjeve të tepruara dhe mungesës së furnizimit të mjaftueshëm të fibrave muskulore me gjak qon në rritje të eksitueshmërisë në mbaresat nervore dhe shfaqje të dhimbjes.
Për të larguar dhimbjen në këto raste, fillimisht duhet ulur ritmin e aktivitetit, e pastaj mund të masazhohet regjioni me qëllim të lehtësimit të gjendjes.
Diafragma është membrana muskulore që ndan hapësirën e poshtme të barkut, prej asaj të sipërme torakale ku ndodhen mushkëritë, zemra, mëlçia etj. Forma më karakteristike e dhimbjes së diafragmës është dhembja që shfaqet menjëherë nën brinjë, atëherë kur aktiviteti fizik është më i madh se në të kaluarën.
Te këto raste është e rëndësishme që të përshtatet niveli i aktivitetit fizik dhe sidomos vrapimit me aq sa e duron trupi. Kështu, ngadalësohet vrapimi, zvogëlohet ngarkesa dhe provohet që gradualisht të relaksohet frymëmarrja me fundin e barkut (diafragmatike abdominale), duke e bërë frymëmarrjen sa më ritmike dhe assesi pa mbajtje fryme.
Dhembjet që vijnë prej sistemit tretës më rrallë shfaqen si të vetme, por zakonisht shoqërohen me simptoma të tilla si: gromësirë, ndjenja e të vjellurit, të vjella, barkqitje, etj.
Edhe pse mund të ketë mjaft arsye për shfaqjen e këtyre dhimbjeve, dy prej shkaqeve kryesore janë dehidrimi dhe kequshqyerja një ditë më parë apo mëngjesin para garës apo aktivitetit fizik.
Dehidrimi është një problem i cili mund të rezultojë si mjaft serioz në qoftë se nuk tregohet kujdes ndaj tij. Rekomandohet të pihen 400-600ml lëngje të ftohta 10-20 minuta përpara ushtrimeve (pasi që lëngjet e ftohta thithen 50% më shpejt se lëngjet në temperaturë trupore), është e nevojshme të pihen sasi të vogla të lëngjeve çdo 10-15 minuta (për të larguar ndjenjën e stomakut të mbushur).
Poashtu duhet konsumuar kombinime që përmbajnë komplekse sheqernash (sikurse maltodextrina, pasi që ato nuk e ngadalësojnë shkallën e përthithjes, përderisa sheqernat e thjeshta sikurse glukoza e ngadalësojnë përthithjen deri në 50%).
Në anën tjetër kequshqyeshmëria në ditën e garës (kompeticionit) dhe një ditë para saj është poashtu një faktor kyç në shfaqjen e çrregullimeve të tretjes.
Sipas një studimi të bërë në këtë fushë rezulton që ushqimet që përmbajnë sasi të mëdha fibrash i shkaktojnë problemet më të mëdha në procesin tretës.
Sidoqoftë, një fakt nuk duhet harruar kurrë: pa marrë parasysh faktorët e përgjithshëm që ndikojnë në shfaqjen e dhimbjeve të barkut gjatë aktivitetit fizik, njeriu duhet përshtatur gjithçka edhe me organizmin e tij dhe përshtatshmërinë e këtij të fundit ndaj faktorëve të jashtëm. /Telegrafi/
Lufta Prigozhin - Putin
Më shumëNga Rubrika
Si të flisni me njerëzit në botën e përtejme: Një kujtesë e të humburve që nuk mund të harrohen
Produkti i juaj i përditshëm që e merrni kudo me vete mund të jetë më i ndotur se tualeti
A e dini pse duhet të vendosni pak fletë alumini pas ruterit? Shkencëtarët garantojnë për këtë truk
Sorrat janë në gjendje të mbajnë mëri dhe të kujtojnë fytyrën tënde nëse sillesh keq me to
Përse shumica qëndrojnë të martuar edhe pse nuk janë të lumtur – dhe nuk dashurohen
A e dini se për çfarë shërben vrima tek kapaku i kënaçes?
Tri shprehje të njerëzve me inteligjencë të lartë emocionale
Pse hajdutët vendosin një biskotë tek hyrja e banesës tuaj, e vërteta e frikshme që duhet ta dini
Nëse ju ndodh kjo situatë në hotel, kërkoni ta ndërroni menjëherë dhomën të cilën e keni rezervuar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes