LAJMI I FUNDIT:

Sindikata e pavarur e RTK-së dënon sulmin kundër Shalës

Sindikata e pavarur e RTK-së dënon sulmin kundër Shalës

Sindikata e Pavarur e RTK-së dënoi ashpër sulmin  me granatë dore ndaj shtëpisë së drejtorit gjeneral të RTK-së, Mentor Shala.

“SPRTK kërkon nga organet e drejtësisë që ta kryejnë punën e tyre dhe  aktet e tilla kriminale të mos mbesin anonime dhe të pandëshkuara”, thuhet në reagim.

Ndryshe, mbrëmë rreth orës 22:10 ka ndodhur një shpërthim te shtëpia e Mentor Shalës.

“Shpërthimi ka qenë i fuqishëm, që ka tronditur tërë lagjen. Mjeti shpërthyes është hedhur prapa shtëpisë sime. Në shtëpi kemi qenë e gjithë familja. Fatmirësisht nga ky shpërthim askush nuk është lënduar”, citohet të ketë thënë Shala.