0Shares

Ushtria siriane ka bërë të ditur se nga një sulm ajror, Izraeli ka shënjestruar të mërkurën një qendër të kërkimit në Jamraya, në afërsi të Damaskut.

Gjenerali i ushtrisë gjatë një deklarate të publikuar nga agjencia shtetërore e lajmeve SANA thotë se, “aeroplanë ushtarakë të Izraelit kanë shkelur hapësirën tonë ajrore në agimin e sotëm dhe kanë zhvilluar një sulm të drejtpërdrejtë në një qendër kërkimore shkencore, e cila shërben për rritjen e nivelit tonë të rezistencës dhe të vetëmbrojtjes”.

Televizioni shtetëror sirian, gjithashtu ka raportuar se aeroplanët ushtarakë kanë qëlluar qendrën e kërkimit në veriperëndim të Damaskut. Gjatë orëve të para të mërkurës, raportohet se diplomatë perëndimorë dhe burime rajonale të sigurisë kanë thënë se forca të Izraelit kanë sulmuar një konvoj në kufirin në mes të Sirisë dhe Libanit.

Deri më tani nuk ka pasur ndonjë reagim nga ana e Izraelit. Ushtria libaneze ka raportuar një prani në rritje të aeroplanëve izraelitë mbi zonën e vet ajrore. /Rel/Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)