Afat i bujshëm kalimtar
Po vazhdon afati kalimtar dimëror në futboll. Deri sot (mërkurë) në FFK klubet kanë paraqitur 31 kërkesa të futbollistëve për kalim.Nga skuadrat e Superligës veçohen Trepça, Trepça’89, Hysi, Besa, Prishtina dhe Drenica, të cilat deri tani janë më aktive për përforcime.
Trepça dhe Drenica kanë paraqitur gjashtë kërkesa, Prishtina, Trepça ’89 dhe Hysi nga pesë, ndërsa Besa katër.
Afati kalimtar që filloi më 20 janar do të përmbyllet me 15 shkurt në ora 16:00. Të drejtë kalimi kanë të gjithë futbollistët që nuk kanë kontrata dhe kanë status të lirë. /Telegrafi/
