Afrim Latifi, Orges Arifi dhe Fortesa Orana, më të mirët e 2012-ës

19:06 / 10.02.2013

Organizuar nga Federata e Karatesë e Kosovës në ambientet e ‘Hotel Sirius’, në praninë e shumë mysafirëve dhe sportistëve u shpallën karateistet më të suksesshëm për vitin 2012.

Përzgjedhjen e bëri komisioni në përbërje me Prof. Dr. Blerim Rexha, anëtar i bordit të Federatës të Karatesë së Kosovës dhe Ismajl Fazliu, Hamide Ibrahimi, Ermira Statovci e Idriz Musliu.

Kriteret për shpalljen e më të mirëve janë bazuar në rezultatet e fituara në aktivitetet vendore dhe ndërkombëtare.

Për të arriturat e mëdha në arenat ndërkombëtare dhe kombëtare në radhitjen e përgjithshme me 1410 pikë të fituara, klubi më i suksesshëm u shpall “Ippon Prishtinë”, i cili gjithashtu është klubi më i madh në Federatën e Karatesë së Kosovës me 45 garues të regjistruar në vitin 2012. Trajnerja më e suksesshme e vitit 2012 u shpall Shqipe Zogiani.

SPORTISTET ME TE SUKSESHEM TE VITIT 2012

KADETËT: Fortesa Orana, 480 pikë

JUNIORËT: Orges Arifi, 400 pikë

SENIORËT: Afrim Latifi, 480 pikë
/Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.