Allegri synon vendin e tretë
Trajneri i Milanit, Massimiliano Allegri, ka thënë se ai synon ta zë vendin e tretë me ekipin e tij, përkundër startit të mjerrueshëm të sezonit. Rossonerët kanë arritur në vendin e gjashtë, nga vendi i 16-të në fillim të sezonit dhe Allegri nuk ndihet i kënaqur, pasi kërkon më shumë.
“Ne po kalojmë nëpër një moment të mirë dhe po bëjmë mirë. Pas vuajtjeve të mëdha, ne po përmirësohemi”.
“Kur gjërat nuk shkojnë mirë, është vështirë, por të shohim se ku mund ta përfundojmë këtë sezon. Tani klubi ka vendosur atë që dëshiron në të ardhmen dhe në të ardhmen e afërt do të jemi në top treshe edhe pse nuk do të jetë lehtë”.
“Ne duhet të përqëndrohemi në atë që po bëjmë dhe duke parë se jemi ende skuadër e re, ne duhet të përmirësohemi ditë pas dite, por në të njëjtën kohë duhet të jemi realistë”, ka thënë Allegri.
Milani këtë të dielë i shkon Atalantas në Bergamo. /Telegrafi/
