AO: Azarenka dhe Serena vazhdojnë dominimin
Victoria Azarenka edhe njëherë e vuri në pah dallimin e top tenisteve botërore me ato të rangut më të ulët, duke e ‘shkatërruar’ greken, Eleni Daniilidou. Në anën tjetër edhe Serena Williams kaloi në raundin e tretë, pasi e mposhti spanjollen Garbine Muguruza.As temperaturat e larta që kishin shkuar deri në 40 gradë celsius, nuk e ndalën Azarenkën për të shfaqur nivelin e lartë të saj, duke e ‘shkatërruar’ tërësisht greken Dniilidou, të cilën e mposhti në dy sete (6-1, 6-0) pas 55 minutave lojë.
Në anën tjetër as amerikania Serena Williams nuk pati mëshirë për kundërshtaren e saj që ishte e pozicionuar e 112-të në ranglistën botërore.
Serena e mposhti spanjollen Muguruza po në dy sete (6-2, 6-0) brenda 75 minutave. /Telegrafi/
