Arsenali, preferenca kryesore e Guardiolas

19:03 / 12.12.2012

Ish-trajneri i Barcelonës, Pep Guardiola, besohet se i ka thënë Arsenalit se është klubi i parë që ai më shumë do të dëshironte të drejtonte në Ligën Premier.

Goal.com raporton se përfaqësues të strategut spanjoll janë takuar me zyrtarë të klubit londinez në mënyrë joformale për të diskutuar mbi mundësinë që Guardiola të zëvendësonte Arsene Wengerin në postin e menaxherit për sezonin e ardhshëm.

Sipas disa burimeve, Guardiola është tejet i interesuar që të marrë në drejtim Arsenalin, duke marrë parasysh se Jose Mourinho pritet të kalojë së shpejti te Manchester Unitedi si zëvendësues i Alex Ferguson.

Spanjolli, i cili e udhëhoqi Barcelonën drejt 14 trofeve, pritet që të shqyrtojë qysh në janar ofertat më serioze, njërën prej të cilave do ta pranojë në verën e vitit 2013. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.