Arsenali tregon muskujt

22:47 / 23.01.2013

Arsenali ka shënuar fitore me rezultat 5-1 ndaj West Hamit në Emirates përkundër disavantazhit në fillim të takimit, sfidë e zhvilluar kjo në kuadër të javës së 23-të të Ligës Premier.

 Arsenali e filloi takimin si zakonisht me dominim, por mos përqëndrimi ka mundur t’u kushtojë vendasve.

Jack Collison kaloi në epërsi West Hamin pas 18 minutash lojë, duke qetësuar tifozët. Sidoqoftë, Arsenalin në lojë e ktheu Lukas Podolski (22’), i cili shënoi për 1-1.

Ky ishte dhe rezultati i pjesës së parë, ndërsa në pjesën e dytë Topcinjtë ishin të papërmbajtshëm.

Me të filluar pjesa e dytë vjen në shprehje Olivier Giroud (47’), i cili shënoi për 2-1 dhe epërsinë e parë të Arsenalit në këtë takim. Në minutën e 53-të Santi Cazorla me asistim të Podolskit shënoi për 3-1.

Podolski shpërtheu edhe dy herë të tjera duke asistuar së pari për Walcottin (54’), i cili shënoi për 4-1, kurse hettrikun e asistimeve Podolski e kompletoi kur ndihmoi Giroud të shënonte (57’) për 5-1 dhe rezultatin përfundimtar.

Me këtë fitore Arsenali ngjitet në kuotën e 37 pikëve, katër pikë më pak se sa vendi i katërt Tottenhami. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.