AVB: Bale, lojtari më i mirë i vitit

14:01 / 26.02.2013

Menaxheri i Tottenhamit, Andre Villas-Boas, ka mbështetur Gareth Bale të zgjidhet Lojtari i Vitit pasi anësori mbrëmë bëri edhe një paraqitje mahnitëse duke shënuar golin e fitores 3-2 ndaj West Ham.

Një gol i bukur nga afro 30 metra në minutën e fundit të takimit çoi në 15 golat e tij në Ligën Premier këtë sezon dhe ngriti klubin në pozitën e tretë të tabelës.

“Mendoj se ai është lojtari i vitit. Ai është një super talent, këtë sezon ne kemi parë një nivel tjetër nga ai, ai e bën diferencën në çdo ndeshje”.

“Ai është një talent i tmerrshëm dhe ka qenë në një nivel të tmerrshëm këtë sezon, me kualitet dhe motivim të jashtëzakonshëm”.

“Kur ju e shihni atë duke u përpjekur të bëjë atë që bëri sonte në minutën e fundit, kjo ilustron më së miri talentin që ai ka”, ka thënë Villas-Boas. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.