Bale: Jam në formën jetësore
Ylli i Tottenhamit, Gareth Bale, ka pranuar se ai është duke e kaluar formën e tij jetësore, pas dy eurogolave të realizuar ndaj Lyonit. Bale i tregoi botës se është ndër lojtarët më të mirë në botë, kur e la të shtangur dy herë portierin e Lyonit nga gjuajtja e lirë për t’u treguar vendimtar për ekipin e tij.
“Unë do të thosha se është viti im më i mirë në karrierë. Kam thënë se unë po kënaqem me futbollin dhe se ekipi po luan mirë, gjë që po i lehtëson gjërat për neve”.
“Unë thjesht duhet që të mbaj kokën ulur dhe të punoj shumë e të mbaj formën time. Unë duhet që të përmirësohem, unë e di atë që duhet të bëj dhe po vazhdoj të punoj shumë për t’u bërë edhe më i mirë”, është shprehur Bale. /Telegrafi/
