Bale: Jemi më të mirë se Arsenali
Anësori i Tottenhamit, Gareth Bale, beson se Spursat kanë tejkaluar Arsenalin si ekipi më i mirë i Londrës Veriore, pasi ata janë pranë kualifikimit në Ligën e Kampionëve. Tottenhami është në vendin e katërt me 48 pikë pas 26 ndeshjesh dhe ekipi i Villas Boas është në rrugë të mirë për të lënë Arsenalin jashtë Ligës së Kampionëve pas 13 vitesh.
“Mendoj se 10 vite më parë Arsenali ishte shumë larg Tottenhamit. Por, kjo ka ndryshuar në vitet e fundit”.
“Sezonet e fundit ne kemi mbyllur këtë hapësirë dhe i kemi tejkaluar në fushë. Mendoj se ne kemi skuadër të fortë”.
“Arsenali mund të thotë se është ende para nesh, por njerëzit po e shohin tabelën dhe ata nuk mund të mohojnë që ne po luftojmë tani në nivel të barabartë me ta”, ka potencuar Bale. /Telegrafi/
