Balotelli nuk vjen te Milani – thotë Galliani

18:49 / 26.01.2013

Zëvendëspresidenti i Milanit, Adriano Galliani, ka thënë se është thuajse e sigurt se sulmuesi i Manchester Cityt, Mario Balotelli, nuk do të kalojë në San Siro gjatë afatit të janarit.

Është spekuluar se sulmuesi italian do të kthehet në Serie A, ndërsa Rossonerët ishin destinacioni më i përfolur.

“Kaka dhe Drogba 101 për qind nuk vijnë te Milani. Balotelli? Ai nuk vjen 99.9 për qind”.

“Abate dhe Antonini do të qëndrojnë. Agjenti i tyre ishte në Rusi për të biseduar rreth transferimit të Salvatore Bocchettit te Spartak Moska, kjo është e gjitha”, ka deklaruar shefi ekzekutiv i Rossonerëve. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.