Barca është e uritur

23:51 / 21.01.2013

Barcelona është akoma e uritur pas dështimit në garën për titujt kryesorë në sezonin e kaluar – thotë Xavi Hernandez.

Blaugranët, me Pep Guardiolan në krye, mbetën prapa Real Madridit në garën për titullin e La Ligas dhe u eliminuan në gjysmëfinale të Ligës së Kampionëve nga Chelsea, por arritën ta fitojnë Kupën e Mbretit.

“Uria është ende këtu. Na shikoni duke u stërvitur dhe do të kuptoni se sa shumë duam të fitojmë, madje edhe në ndeshjet stërvitore”.

“Ne e kemi praktikisht të njëjtën skuadër këtë sezon dhe rezultatet kanë qenë thuajse të përsosura”, citon fifa.com fjalët e spanjollit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.