Bashkimi me përforcime të reja

23:56 / 25.01.2013

Pasi largimeve të Dustin Mitchellit, Jermont Hortonit dhe Phil Brooksit, SigKos Bashkimi më në fund i ka siguruar shërbimet e tre basketbollistëve tjerë të huaj, të cilët të shtunën pritet edhe të arrijnë në Prizren.

 “Emrat e tyre kryesia ende nuk na i ka treguar, pasi dëshiron të shtunën t’i prezantojë me një mënyrë më të veçantë. Por, kryesia na ka informuar se të tre ata janë basketbollistë shumë cilësorë, posaçërisht lituanezi, i cili është në kërkim të një vendi në Kombëtaren A të Lituanisë, pasi deri më tash ka luajtur rregullisht në përfaqësueset e reja”, ka njoftuar gazeta Express.

Sipas këtij burimi, prizrenasit janë afër arritjes së marrëveshjes edhe me fundorin e njohur kosovar Muhamet Hasani, derisa tashmë i kanë siguruar shërbimet e Kushtrim Hydës e Ardian Krasniqit.

Gjatë këtij afati kalimtar nga Bashkimi janë larguar edhe Urim Zenelaj e Elvan Iljazi./Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.