Bayerni është favorit, pranon Podolski
Sulmuesi i Arsenalit, Lukas Podolski, ka pranuar se Bayern Munichu është favorit për të vazhduar tutje në Ligën e Kampionëve. Topçinjtë dhe bavarezët zhvillojnë ndeshjen e parë të 1/8 së finales të martën mbrëma në Emirates, ndërsa futbollisti gjerman mendon se ish-skuadra e tij ka gjasa më të mëdha që të kalojë në çerekfinale.
“Bayerni është favorit, nuk ka dyshim për këtë. (Megjithatë) në dy ndeshje, ne do t’i kemi rastet tona që të kualifikohemi në raundin tjetër”.
“Të jeni të sigurt se ne nuk do të qëndrojmë dhe të presim se çfarë do të bëjë Bayerni. Ne kemi kualitet për t’u qëndruar përballë”, citon Die Welt fjalët e 27-vjeçarit. /Telegrafi/
