Bayerni shijon humbjen
Është dashur të zhvillohet java e nëntë në Bundesliga që Bayern Munichu të regjistrojë rezultat tjetër pos fitores. Bayer Leverkuseni ia ka shkaktuar humbjen e parë liderit të Kampionatit gjerman edhe atë në Allianz Arena.Pas një kundërsulmi të mysafirëve në fund të pjesës së parë (42’), Andre Schurrle pasoi në drejtim të Stefan Kiessling, i cili shënoi për epërsinë e Leverkusenit.
Vetëm në minutën e 77-të, vendasit arritën që ta shënonin golin e barazimit. Claudio Pizarro dërgoi një top drejt Mario Mandzukic dhe kroati shënoi me kokë.
Për humbjen e parë sezonale të bavarezëve në Bundesliga u përkujdes Sidney Sam, ndërsa topi preku edhe Boatengun (87’).
Bayern Munichu do të vazhdojë kryesimin në tabelë me 24 pikë, ndërsa Bayer Leverkuseni ngjitet në pozitën e pestë me pikë të barabarta me Borussia Dormundin që gjendet një vend më lartë. /Telegrafi/
