Benitez: Ende mund të fitoj trofe me Chelsean

15:29 / 12.02.2013

Menaxheri i përkhshëm i Chelseat, Rafa Benitez, është i bindur se skuadra e tij është mjaft e fuqishme për të fituar trofe në vitet në vazhdim dhe se ai mund ta udhëheqë atë drejt sukseseve.

“Mendoj se ky grup i lojtarëve ka potencial shumë, shumë të madh. Kjo është edhe më e qartë tash në kokën time se kur arrita. Mundësia e tyre për t’u zhvilluar është edhe më e madhe se sa kam menduar”.

“Mesatarja e moshës së skuadrës është e mirë. Potenciali është këtu dhe grupi i lojtarëve dëshiron të mësojë. Ata janë profesionistë shumë të mirë dhe ata punojnë fuqishëm dhe ata janë të etur të mësojnë dhe për mua kjo është një avantazh i madh”.

“Disa prej tyre kanë nevojë për më shumë vetëbesim dhe disa për më shumë përvojë në Ligën Premier. Ata mund të garojnë tash, por ata mund të bëhen edhe më të mirë”.

“Realiteti është se ne jemi një ekip në transicion. Prioritet është të përfundojmë në top katërsh ose top tresh. Dhe pas kësaj, ne kemi dy ose më shumë trofe për të cilat mund të luftojmë me Kupën FA dhe Ligën e Evropës”, ka thënë spanjolli. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.