Benzema: Ronaldo më i mirë se Messi
Sulmuesi i Real Madridit, Karim Benzema, ka thënë se ekipi nuk ka marrëdhënie të këqija me Mourinhon ashtu si është raportuar nëpër mediat spanjolle, teksa shtoi se Ronaldo është më i mirë se Messi. Është thënë se Mourinho nuk i ka mirë punët me kapitenët e ekipit, Sergio Ramos dhe Iker Casillas, ndërsa edhe e dashura e Iker Casillas bëri pohime shokuese gjatë ditës, që i hedh poshtë Benz’.
“Ne nuk kemi marrëdhënie të këqija me trajnerin”, ka theksuar në një konferencë për shtyp Benzema.
Ai lëvdoi Ronaldon dhe Messin, por tha se Ronaldo është më i mirë.
“Messi dhe Ronaldo janë dy lojtarë të mëdhenj. Sidoqoftë, për ne, Ronaldo është më i miri në botë”, përfundoi Benz’.
/Telegrafi/
