Boateng i befasuar me koret raciste

23:25 / 4.01.2013

Mesfushori i Milanit, Kevin-Prince Boateng, ka thënë se ai ishte i befasuar kur dëgjoi koret raciste nga tifozët e Pro Patrias të enjtën, pasi mendoi se ky fenomen ishte larguar nga futbolli italian.

“Isha i befasuar që në kohën që jetojmë ne, viti 2013, të ketë ende këto gjëra. Ne duhet të luftojmë kundër këtyre gjërave. Nuk është hera e parë që në jetën time po dëgjoj këto abuzime. Unë jam 25 vjec dhe nuk dua të dëgjoj këto gjëra dhe s’ka kush që mund të më bindë të luaj sërish kur dal nga fusha. Unë kam thënë se nuk do të luaja më dhe ashtu mbeti”.

“Nuk kam biseduar me asnjë bashkëlojtar, nuk kam dashur të diskutoj me askënd, ata e bënë edhe ndaj Muntarit. Është vështirë të them si jam ndjerë. Ka shumë emocione. Isha nervoz, isha i pikëlluar, i zhgënjyer. Dhe thashë se është më mirë të dal nga fusha, pasi ashtu nuk luhet”, është shprehur Boateng për CNN. /Telegrafi/ 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.