Buffon meriton Topin e Artë, thotë Agnelli
Presidenti i Juventusit, Andrea Agnelli, ka deklaruar se portieri legjendar Bianconer, Gianluigi Buffon, meriton ta fitojë së paku një herë në karrierën e tij Topin e Artë. Yllli i Barcelonës, Lionel Messi ka fituar që katër vjet radhazi Topin e Artë, por Agnelli thotë se Buffon e ka merituar ta fitojë së paku një herë.
“Sipas historisë nga viti 1978, deri në vitin 2007, Topi i Artë është fituar nga lojtarë që kanë luajtur në Serie A”.
“Pas kësaj periudhe të gjatë, trofeu është dhënë jashtë Italisë. Shpresa ime është e madhe që një ditë edhe Buffon ta fitojë, sepse ai vërtet e meriton, është portieri më i mirë në histori të futbollit”, ka thënë Agnelli.
