Cana: Gjeorgjia, një test i rëndësishëm

11:55 / 6.02.2013

Kapiteni i kombëtares shqiptare, Lorik Cana, thotë se ndeshja përballë Gjeorgjisë do të jetë një test i rëndësishëm për Shqipërinë para ndeshjeve kualifikuese për Botërorin 2014.

“Testi kundër Gjeorgjisë është shumë i rëndësishëm, pasi ekipi do të përgatitet për ndeshjet e ardhshme, sidomos për atë kundër Norvegjisë. Duhet ta shfrytëzojmë miqësoren e nesërme (sotme) për të qenë gati edhe në aspektin psikologjik”.

“Do të fokusohemi te lojtarët e rinj, ata që vijnë nga skuadra U-21, por edhe futbollistët që janë thirrur për herë të parë në ekip. Ne si më të vjetër i kemi mbështetur dhe i mbështetim gjithmonë ata, pasi kërkojmë që prurjet e reja të ambientohen sa më parë me përfaqësuesen”, ka deklaruar Cana.

Ndeshja e sotme zhvillohet në stadiumin Qemal Stafa me fillim nga ora 19.00. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.