Cavani drejt Real Madridit

11:49 / 5.02.2013

Real Madridi raportohet se tashmë ka një marrëveshje me sulmuesin e Napolit, Edinson Cavani.

Sport shkruan se Cavani është pajtuar t’i bashkohet Realit në fund të sezonit pas një serie të takimeve në Madrid në mes të agjentit të tij, Pierpaolo Triulzi, dhe presidentit të klubit Florentino Perez.

Napoli thotë se asnjë klub i interesuar nuk është në gjendje të plotësojë klauzolën blerëse prej 63 milionë euro, por Perez shpreson të gjejë një kompromis.

Me mbështetjen e Cavanit, Perez ka ofruar 50 milionë euro dhe planifikon ta plotësojë këtë duke ofruar ndonjë lojtar, në tentim për të bindur Napolin të heqë dorë nga shërbimet e lojtarit.

PSG, Manchester City dhe Arsenal po ashtu janë të interesuara për sulmuesin. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.