Cesc: Ishte vështirë të adaptohem te Barca
Mesfushori i Barcelonës, Cesc Fabregas, ka thënë se ai e ka pasur të vështirë të adaptohet me jetën në Camp Nou.Fabregas u rikthye te klubi katalanas verën e kaluar me një marrëveshje të vlefshme 39 milionë euro, pasi i ishte bashkuar Arsenalit në vitin 2003 nga akademia e të rinjve e Barcelonës.
“Ka qenë një ndryshim radikal në jetën time dhe ishte vështirë të adaptohesha. Kalova nga një lojë me liri të plotë të lëvizje [që luaja te Arsenali] te Barcelona, ku loja ishte më pozicionale”.
“Ishte një sfidë dhe kam kaluar nëpër një periudhë ku isha i shqetësuar për këtë”, ka thënë Fabregas për El Pais. /Telegrafi/
