Chelsea në gjysmëfinale të League Cup
Blutë janë kthyer nga disavantazhi prej një goli për të shënuar fitore të lartë prej 5-1 kundër Leeds United në ndeshjen e vlefshme për Kupën e Ligës (apo siç quhet ndryshe Capital One Cup).Në takimin e zhvilluar në Elland Road, Luciano Becchio i kaloi vendasit në epërsi (37’) dhe ky ishte goli i vetëm në pjesën e parë.
Porsa filloi pjesa e dytë (47’), Juan Mata e barazoi rezultatin, ndërsa më pas Branislav Ivanovic krijoi epërsinë e parë për mysafirët (65’).
Victor Moses ishte realizues i golit të tretë të Bluve (66’), për të vazhduar me golin e katërt Eden Hazard (81’) dhe Fernando Torres me golin e pestë (83’).
Me këtë fitore, Chelsea u bashkohet tre gjysmëfinalistëve të tjerë, Aston Villas, Bradford Cityt dhe Swansea City. /Telegrafi/
