Conte: Chiellini do të kthehet më i fortë
Trajneri i Juventusit, Antonio Conte, beson se Giorgio Chiellini, do të jetë edhe më i mirë nga sa ka qenë më parë kur ai të riaftësohet pas lëndimit të pësuar së fundmi.“Është shumë keq që Chiellini është lënduar, ai është lojtar që të gjithë do të kishin dashur ta kenë në ekip, për atë që ai ofron në fushë. Ai është një prej liderëve tanë”.
“Jam i bindur se ai do të kthehet më i fortë se më parë, duke kërkuar që të riaftësohet sa më shpejt që është e mundur. Vucinic ka një dëmtim tjetër të lehtë, por besoj se do të kthehen shpejt”, ka potencuar Conte.
Juventusi është lider në tabelën e Serie A me 7 pikë më shumë se Interi në vendin e dytë. /Telegrafi/
