Dante: Ftesa nga Brazili mendova se ishte shaka
Mbrojtësi i Bayernit të Munichut, Dante, ka zbuluar se kur i kanë thënë se është ftuar në kombëtaren braziliane, ka menduar se është një batutë. Mbrojtësi i Bayernit është emëruar në listën e Luiz Felipe Scolarit për miqësoren ndaj Anglisë dhe pasi për herë të parë ka marrë një thirrje të tillë, mendoi se është shaka.
“E mësova lajmin të martën në mëngjes. Ishte Luis Gustavo ai që më tregoi. Unë nuk kam mundur të besoj. Mendova se po bënte shaka, por më pas e shikova telefonin. E kuptova se është e vërtetë. Kisha mbi 50 thirrje të humbura në telefon”, ka thënë Dante. /Telegrafi/
