Del Bosque: Barca dhe Reali favoritë në LK

14:22 / 12.02.2013

Vicente del Bosque ka hedhur poshtë supozimet se futbolli spanjoll është në rënie dhe beson se Real Madridi dhe Barcelona janë dy skuadrat që duhen mposhtur në Ligën e Kampionëve.

 “Futbolli spanjoll nuk është në rënie. Lojtarët si Messi dhe Ronaldo nuk shënojnë aq shumë vetëm për shkak se kundërshtarët janë të dobët.

“Katër nga 16 ekipet e mbetura në Ligën e Kampionëve janë nga Spanja. Finalja e vitit të kaluar në Europa League ishte një ndeshje në mes dy ekipeve spanjolle. Dhe Atletico është në ngritje sërish”.

“Barcelona dhe Madrid janë duke fituar shumicën e ndeshjeve, por ata janë ekipe të jashtëzakonshme. Ata janë favoritë për ta fituar Ligën e Kampionëve, sipas meje”, ka thënë trajneri spanjoll për La Gazzetta dello Sport. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.